Атеросклероз — бу ёғ ва оқсил алмашинувининг бузилиши натижасида вужудга келиб, артерия ички деворида яллиғланиш, холестерин ёки липопротеин тўпланиши билан кечади. Қон томирларда бундай ёғ тўпланиши туфайли томирлар торайиб боради, қаттиқлашади, органларга қон ва кислород етказиб бериш қийинлашади.
Фото: Дзен
Аксарият кишилар касаллик аломатлари яширин бўлганлиги сабабли бундан бехабар қолади. Атеросклерозни илк босқичларда мустақил аниқлашнинг асло иложи йўқ. Ҳеч бўлмаганда йилда бир марта организмни тўлиқ текширувлардан ўтказиб турмаслик оқибатида касаллик оғир даражага етиши ва ёғ қатламлари қон айланишини тўсиб қўйгандагина ундан бохабар бўлиш мумкин.
Атеросклероз билан касалланганларнинг сони уларнинг ёшига қараб ортиб бораверади, яъни бу касаллик кўпроқ қари кишиларга хосдир, лекин хасталик йилдан йилга ёшариб бормоқда, бу замонавий ҳаёт тарзи билан боғлиқ.
Атеросклерозга чалинишнинг олдини олиш учун зарарли одатлардан воз кечиш талаб этилади:
- чекишни тўхтатинг;
- спиртли ичимликлардан тийилинг;
- жисмоний ҳаракатлар бажаринг;
- тана вазни ва соғлиғига эътибор беринг;
- ҳар йили тўлиқ тиббий кўрикдан ўтинг.
Фото: Дзен
Атеросклероз ривожланишининг яна бир муҳим хавф омили — бу стресс. Асабийлик узоқ давом этса организмда адреналин, норепинефрин ва ситокинлар кўпроқ ишлаб чиқилади ва дислипидемия ривожланиш хавфи ортади.
Касаллик ҳаётимизга қуйидагича таҳдид солади:
- юракка борувчи артериялар торайса, қон оқими секинлашади. Бу юрак ишемик касаллиги ва стенокардиясига олиб келади;
- мияга қон етказувчи томирларнинг торайиши инсультга сабаб бўлади;
- қўл ёки оёқ артерияларидаги ёғлар томир тортишишига, мушак оғриғига олиб келади;
- атеросклероз ривожланиш хавфи эркакларда 45 ёшдан кейин, аёлларда 55 ёшдан кейин ошиб боради.
Агар сизда ҳаво етишмаслиги, нафас қисилиши, юрак ёки ошқозон атрофида ноқулайлик ва оғриқ кузатилса, шифокор кардиологга мурожаат қилишни тавсия этамиз. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Кальяри” Шомуродов бўйича бир қарорга келди
Гаага суди Исроил ҳаракатларини текширувдан ўтказмоқда
Фон дер Ляйен Путиннинг «ишонли одамлари» билан ҳамкорликни истисно этди
Дэвид Кэмерон Марказий Осиёга сафарида ҳашаматли самолёт ижарага олгани учун танқид қилинди
АҚШда Фаластинни қўллаб намойишга чиққани учун ҳибсга олинган талабалар сони 900 нафардан ошди
НАТО раҳбари: “Украинага берган ваъдамизни бажармадик”
Ўзбекистонда уй-жой ва автомобиллар олди-сотдиси нақд пулсиз шаклга ўтказилиши мумкин
Тимур Кападзе Японияга қарши кечадиган финал учрашуви олдидан нималар деди?