Олимлар ширинликка бўлган истакни оширадиган янги омилни аниқлашди.
Техасдаги Бейлор тиббиёт коллежи тадқиқотчилари бошқаларнинг овқат еётганини кузатиш миядаги допамин тизими орқали ортиқча овқатланишга олиб келишини аниқлашди.
Бу таъсир фақат ширин таомлар билан содир бўлар экан. Масалан, ҳайвонлар қариндошлари ёғли ёки оддий овқат еса — ҳеч қандай реакция бўлмаган.
Лекин ширинлик истеъмол қилинганда, ҳатто тўйган ҳайвонлар ҳам овқатланишни бошлаган. Бу ҳолатга миядаги Д1 ва Д2 допамин рецепторлари жавобгар.
Тажрибада ушбу рецепторлар блокланганда таъсир йўқолган. Шу орқали олимлар мия “бу ёқимли, яна қилиш керак” деб сигнал юборишини таъкидлашди.
Тадқиқот муаллифи доктор Ёнг Сюйнинг сўзларига кўра, замонавий ҳаётда инсонлар экран, реклама ва ижтимоий тармоқларда таомлар тасвирига доимий дуч келади.
Визуал ва ижтимоий стимулларнинг таъсирини тушуниш соғлом турмуш тарзи шакллантиришда муҳим босқич бўлади.
«Замин»ни Telegram’да ўқинг!
