Таомланиш тартибига бефарқ бўлманг!

Тўғри овқатланиш тартиби киши танасининг саломатлиги ва гўзаллигини таъминлаши сиз ва бизга яхши маълум. Аммо шундай пайтлар бўладики, қаршингиздаги мазали конфетни рад этишга ботинолмайсиз... Келинг, бугун саломатлингиз ва гўзаллигингизга соя солувчи маҳсулотлар рўйҳати билан яқиндан танишамиз.

Чипс

Юқори калорияли чипслар таркибидаги канцероген ва тузлар чиройли қоматнинг кушандасидир. Эрмак учун бўлса ўрнига бодроқ ейиш анча фойдалироқ.

Колбаса

Колбаса маҳсулотларининг таркибидаги соя оқсили ва турли қўшимчалар унинг мазали ҳамда хушбўй бўлишини таъминласа-да, организмга сезиларли даражада зиён етказмасдан қолмайди.

Майонез

Майонезнинг зарарли маҳсулот эканлигини била туриб ҳам истеъмол қилишга жазм этмассиз балки? Салатларнинг мазасини ростлаш учун эса ёғлилик даражаси камроқ бўлган сметанадан фойдалансангиз бўлади.

Конфетлар

Конфетлар таркибидаги рафинадланган шакар қондаги глюкоза миқдорини оширади, қанднинг ортиқчаси эса ёғга айланади-қўяди. Шу сабабли конфет ўрнига туршак ёки майиз еган яхшироқ.

Шоколад

Жуда егингиз келса аччиқ ва қора шоколадга рўйхушлик беринг. Сифатли шоколад таркибининг 70% ини какао ташкил қилиши керак.

Торт ва пирожнийлар

Бунисини айтмасак ҳам ўзингиз жуда яхши билсангиз керак. Баъзан ширинликка кўнглингиз кетса, тортнинг ҳам шоколад ва ёнғоқли турларини эмас, мевали ва қаймоқли кремдан иборат кўринишини ҳарид қилишингиз мумкин. Меъёр борасида назоратни қўлдан бой бермасангиз бўлгани! «Замин» янгиликларини «Вконтакти»да кузатиб боринг