Кўпчилик инсонлар суякларини жонсиз деб ҳисоблашади. Лекин устки қисмини ҳисобга олмаганда суяклар жонли бўлиб, ичида ўта ингичка томирлар, асаб толалари ва суяк илиги мавжуд. Инсоннинг суяклари бир вақтнинг ўзида ўзига хос “банк” ҳамдир. Зеро, улар кальций ва фосфор каби ҳаётий зарур моддаларни йиғиб, керак бўлганда, йиғилган бу моддаларни танага қайтариб беради.
Танадаги калций қандай аҳамиятга эга?
Кальций танага атрофдан келадиган огоҳлантиришларнинг асаб толаларига етиб боришини таъминлайди. Бу жуда муҳим. Чунки кальцийсиз огоҳлантиришлар асаб толаларига етиб келмайди. Бу эса – инсон фалаж бўлиб, ички аъзолари ишламай қолади ва инсонни ўлимга олиб боради, дегани.
Кальцийнинг аҳамияти бу билан чегараланмайди
Бир жойингиз кесилса, сал ўтиб қон қотиб, оқишдан тўхтайди. Бу – фавқулодда муҳим ҳолат. Агар қон қуюқлашиб қотиб қолмаса, нима бўларди? Сув тўла тешик тоғоранинг суви тешикдан оқиб бўшаб қолгани каби, вужудимиздаги қон ҳам кичкина кесик жойдан оқиб кетган бўларди. Лекин инсон танасида қонни қотирадиган мўъжизавий механизм борки, у инсонни муқаррар ўлимдан сақлайди. Мазкур механизмни ҳаракатга келтирадиган энг асосий омиллардан бири айнан кальцийдир. Зеро, суякларимизда кальций йиғилмаганда қонимиз қуюлиб, қотиб қолмаган бўларди.
Вужудимизда бораётган саломатлигимиз билан боғлиқ бу каби жараёнлар биздан ҳеч қандай ҳаракат талаб қилмайди. Шу боис, бу ҳолатларни меҳрибон Аллоҳнинг биз бандаларига чексиз раҳматидан бир далил сифатида билишимиз ва ҳамиша шукрда бўлишимиз лозим.
Манба: mulohaza.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
Тадбиркорларга қўлланадиган молиявий жарима камайтирилади
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди