Янги қонун лойиҳаси: энди шифокорлар маъмурий жавобгарликка тортилади

Соғлиқни сақлаш вазирлиги томонидан "Маъмурий жавобгарлик тўғрисида"ги кодексга қўшимчалар киритиш бўйича қонун лойиҳаси тайёрланди. Лойиҳага кўра кодексни янги 59¹-модда билан тўлдириш таклифи билдирилмоқда:

Ҳаёт учун хавф туғдирувчи ҳолатларда ёки соғлигига таҳдид солувчи вазиятда тиббиёт муассасаларидан тиббий ёрдам сўраб мурожаат қилган шахсларга шошилинч ва тез тиббий ёрдам кўрсатилиши асоссиз рад этилиши — мансабдор шахсларга энг кам ойлик иш ҳақининг беш бараваридан ўн бараваригача жарима солишга сабаб бўлади.

Мазкур қонун лойиҳаси муҳокамаларида ҳар бир фуқаро иштирок этиши мумкин. «Замин»ни Telegram’да ўқинг!