Фото: Cosmopolitan
Оёқ терлаши ва нохуш ҳид нозик мавзу, ундан қутулиш унчалик осон эмас, деб ўйлашади. Қуйида муаммони ҳал қилишга ёрдам берадиган бир нечта самарали лайфхаклар билан танишиб чиқиш мумкин.
Терлаш ва оёқ ҳидланишидан халос бўлиш учун кўплаб лайфхаклар бор, баъзилар эса бошқа одамларнинг олдида оёқ кийимларини ечишдан ҳам қўрқади. Аммо ваҳима қилмаслик керак: бу муаммо унчалик даҳшатли эмас ва уни бутунлай ҳал қилиш мумкин! Ҳозирги вақтда оёқларнинг ёқимсиз ҳидини йўқотишга ёрдам берадиган кўплаб профессионал усуллари мавжуд.
Аёллар оёқ терлаши ва ҳидланишидан қандай қутулиши мумкин?
Терлашнинг ортиши кўпинча сифатсиз пойабзал кийиш ёки гипергидроз, қўзиқорин (грибок) касалликлари ва организмнинг индивидуал хусусиятлари туфайли юзага келади. Гап шундаки, бактериялар шунчаки нам ва илиқ муҳитни яхши кўради: улар тирноқлар остида ва ўлик тери зарралари бурмаларида кўпая бошлайди ва шу билан ёқимсиз ҳид пайдо бўлади.
Оёқлар ҳидлана бошласа, қандай қилиб имкон қадар тезроқ ёмон ҳиддан қутулиш мумкин? Аввало сабабни аниқлаш ва у билан курашиш лозим.
Бактериялар учун қулай яшаш шароитларини йўқ қилиш
Оддий қилиб айтганда, оёқларни тоза тутиш шарт. Антибактериал совун ёрдамида оёқларни мунтазам ювиб туриш, тирноқларни қисқартириш, чўтка ва махсус тошдан фойдаланишни эътиборсиз қолдирмаслик лозим. Педикюр жараёнида фойдаланиладиган жиҳозлар тозалигини кузатиш, шунингдек, сув билан алоқа қилгандан кейин бармоқлар орасидаги бўшлиқни яхшилаб артиб олиш тавсия этилади.
Тўғри ювиш
Пайпоқларни ҳам ичкарига айлантириб ювиш керак. Қўлда ювиш учун бир пиёла сувда суюлтирилган бир ош қошиқ истеъмол содаси ва бир чой қошиқ сиркадан фойдаланилади: пайпоқларни бу эритмада 1-2 соатга қолдириш ва кейин ювиш тавсия этилади.
Оёқ кийимни тез-тез ечиш
Уйда ва иссиқ ҳавода оёқларнинг терлашини камайтириш ва ёқимсиз ҳидларни йўқ қилиш учун ялангоёқ ёки очиқ пойабзалларда юришга ҳаракат қилиш керак. Ялангоёқ юриш оёқларда микроблар пайдо бўлишининг олдини олади ва иссиқлик узатишни нормаллаштиради.
Оёқ кийимларини дезинфекция қилиш
- оёқ кийимни ичкари ва ташқарисини яхшилаб ювиш;
- таглик ва боғичларни антисептик эритмада намлаш;
- оёқ кийимнинг ички қисмини антисептикка ботирилган пахта билан тозалаш;
- оёқ кийимларни яхши ҳаво бор жойда қуритиш.
Оёқ кийимни тоза тутиш
Боғич ва тагликларни мунтазам ювиб, пойабзални тўлиқ қуригач кийиш керак. Нам пойабзалда юрмасликка ҳаракат қилинг ва кун охирида улардан қум, чанг ва бошқа зарраларни силкитиб ташлашни унутманг.
Терлаш ва оёқларнинг ҳидини даволаш учун профессионал воситалар
Дорихона маҳсулотлари ва профессионал оёқ парвариши комплекслари ўз вазифаларини самарали бажара олади. Оёқлар учун махсус антиперспирантлар ва дезодорантлар оёқ юзасида ҳаракат қилиб, тез ва самарали равишда таъсир кўрсатади. Бундай маҳсулотларни олиб юриш ва қадоқдаги кўрсатмаларга мувофиқ мунтазам фойдаланиш қулай.
Мутахассисдан ёрдам
Кўпинча аёлларда терлашнинг кўпайиши ва ёқимсиз ҳид, терининг кўчиши ва ғалати тошмалар билан бирга келади. Бундай ҳолда, мутахассис билан боғланиш ва белгиланган даволаниш курсидан ўтиш яхшидир. Шифокор, албатта, оёқ ҳидидан қандай қилиб бутунлай қутулиш кераклигини айтади.
Оёқ ҳидидан уй шароитида қандай қутулиш мумкин?
Ҳар қандай дорихонада сотиб олинадиган ёки уйда тайёрланиши мумкин бўлган воситалар мавжуд. Муаммони ҳал қилишга ёрдам берадиган ушбу усуллари нафақат вақт синовидан ўтган, балки профессионал дори-дармонлардан фарқли ўлароқ, юқори харажатларни талаб қилмайди.
Антибактериал оёқ чойи
Чой таркибидаги танинлар ёқимсиз ҳид ва терлашдан халос бўлишга ёрдам беради. Бундай ванналарни ҳар куни қилиш тавсия этилади.
1. 1 литр қайноқ сувда 3 чой қошиқ қора чой барги дамланади.
2. Чуқур идиш ёки ҳаммомда 2 литр салқин сув билан суюлтирилади.
3. Оёқларни чой эритмасига ботириб, 15-30 дақиқа ушлаб турилади.
Лаванда
1. Лаванда ёғи оёқ ҳидини яхши олиб ташлайди ва терлашни камайтиради.
2. Оёқларга 4-5 томчи лаванда ёғи суртилади, қолганларини салфетка билан артиб олинади.
3. Кечаси, оёқларни лаванда ёғи билан ишқалаб, махсус пахта пайпоқлар кийилади.
Сиркали аралашма
1. Олма сиркаси оёқ ҳидини йўқотишга ёрдам беради.
2. 0,5 олма сиркаси 200 мл илиқ сув билан аралаштирилади.
3. Сирка эритмасига дока ёки пахта матосини намланади ва оёқларга қўлланади.
4. Аралашма 20-30 дақиқа ушлаб турилади.
5. Кейин оёқлар артилмайди: уларни табиий равишда қуритилади.
Мойчечак ва лимон
Мойчечак – терини тинчлантиради, қичишишни енгиллаштиради ва грибок касалликларини ривожланиш хавфини камайтиради. Лимон шарбати оёқларнинг ёмон ҳидига қарши самарали курашади.
1. 3 пакет мойчечакдан чой тайёрланади.
2. Чой совитиб олинади.
3. Мойчечак чойига 2 ош қошиқ лимон шарбати қўшилади.
4. Оёқларни пахта ёрдамида олинган аралашма билан ювилади.
5. Сўнгра табиий равишда қуритилади.
Оёқ терлаши, Нохуш ҳид, Оёқ ҳидланиши, Халос бўлиш, Оёқ кийим “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Эрдўғон Туркия Исроил билан алоқаларини узганини маълум қилди
Рақобат қўмитаси биржада Аи-80 бензини бошланғич нархига чеклов ўрнатди
Шавкат Мирзиёев Ар-Риёд шаҳрига етиб борди (фото)
Рууд ван Нистелрой ва яна уч мураббий “Манчестер Юнайтед”ни тарк этди
"Майк Тайсон - Жейк Пол" бокс оқшомининг барча иштирокчилари билан танишинг
Нима учун айнан кузда кўпроқ киви истеъмол қилиш керак?
АҚШ Регистон майдони архитектурасини сақлаб қолиш учун 500 минг доллар ажратди
