2025-yil boshidan buyon O‘zbekiston avtomobil bozorida barqaror faollik kuzatilmoqda. Mavsumiy pasayishlarga qaramay, iyun oyida birlamchi bozorda o‘rtacha darajadagi tiklanish qayd etildi, deb Uz24.uz xabar berdi. Joriy yilning may oyiga nisbatan iyun oyida yengil avtomobillar savdosi 3%ga ko‘proq bo‘lib, bu 80 mingta avtomobil birligiga teng bo‘ldi.
Biroq, 2024-yilning shu davriga nisbatan umumiy savdo hajmi 23%ga kamaydi — o‘tgan yili shu davrda 446 mingta yengil avtomobil sotilgan edi. Bu kamayish asosan ikkilamchi bozordagi faollikning susayishi bilan izohlanadi va umumiy pasayishning asosiy sababi sifatida ko‘rsatilgan.
Birlamchi bozorda savdolar o‘tgan oyga nisbatan 10%dan ziyodga oshib, 2,6 mingta avtomobilga ko‘paydi. Mahalliy ishlab chiqarilgan yangi yengil avtomobillar savdosi 23,7 ming donani tashkil etib, bu may oyiga nisbatan 15,6%ga o‘sgan. Biroq, yangi xorijiy avtomobillar segmentida salbiy dinamika kuzatildi — oylik savdo hajmi 4 ming dona bo‘lib, 12,6%ga kamaydi.
Iyun oyida 52 mingdan ortiq foydalanilgan yengil avtomobil sotildi. Bu may oyiga nisbatan 0,4%ga kam bo‘lsa-da, yillik o‘sish 1,3%ni tashkil etdi.
Elektromobil bozorida iyun oyida 5,1 mingta avtomobil sotilgan bo‘lib, bu mayga nisbatan 1,7%ga kamdir. Oylik tushishga qaramay, yillik ko‘rsatkichlarda barqaror o‘sish mavjud. Yilning dastlabki yarmida 28,8 mingta elektromobil sotilgan bo‘lib, bu o‘tgan yilga nisbatan 62,6%ga ko‘pdir. Eng katta o‘sish Sirdaryo, Xorazm va Qashqadaryo viloyatlarida kuzatilgan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
