O‘zbekiston hukumati yo‘l harakati xavfsizligini yanada oshirish va uni ishonchli ta’minlash maqsadida yangi qaror loyihasini e’lon qildi. Loyiha 2026-yildan boshlab yo‘llarda harakat ishtirokchilari xavfsizligini yanada kuchaytirishga qaratilgan o‘zgartirish va qo‘shimchalarni o‘z ichiga oladi.
Qarorga muvofiq, 2026-yil 1-yanvardan boshlab, aniq tartiblar kiritiladi. Jumladan, ochiq konlarda ishlovchi yuk tashuvchi va maxsus transport vositalari davlat ro‘yxatidan o‘tkaziladi. Shuningdek, umumiy vazni 44 tonnadan ortiq bo‘lgan N3 va O4 toifadagi yuk tashuvchi transport vositalari va antikvar avtomobillar uchun alohida davlat raqam belgisi joriy qilinadi.
Qarorning yana bir muhim yangiligi — har yili mart oyida "Eng namunali yo‘l harakati xavfsizligi ta’minlangan hudud" ko‘rik-tanlovi o‘tkazilishi belgilab qo‘yildi. Bu ko‘rikda ichki ishlar vazirligi, transport vazirligi va iqtisodiyot va moliya vazirligi birgalikda ish olib boradi.
Shunday qilib, yangi qarorlar yo‘llarda xavfsizlikni oshirishga qaratilgan, jamoat transportini tartibga solish va harakatning samaradorligini ta’minlashga xizmat qiladi. O‘zbekistonda yo‘l harakati xavfsizligini yanada mustahkamlashga qaratilgan ushbu qadamlar jamoat uchun yanada qulay va xavfsiz shart-sharoitlar yaratishga yordam beradi.
“Zamin”ni Telegramʻda oʻqing!
