O‘zbekistonda temiryo‘l transporti sohasida yangi bosqich boshlanish arafasida. Rasmiy ma’lumotlarga ko‘ra, mamlakat 2027-yildan boshlab mahalliy korxonalarda tezyurar poyezdlarni ishlab chiqarishni yo‘lga qo‘yishni rejalashtirmoqda.
Bu boradagi rejalar haqida “O‘zbekiston temir yo‘llari” aksiyadorlik jamiyati raisining birinchi o‘rinbosari Hikmatulla Rahmatov ommaviy axborot vositalariga ma’lumot berdi. Uning aytishicha, loyiha dunyo miqyosida ilg‘or texnologiyalarga ega davlatlardan biri bilan hamkorlikda amalga oshiriladi.
Ushbu tashabbus nafaqat mamlakatning temiryo‘l infratuzilmasini rivojlantirish, balki texnologik mustaqillik sari dadil qadam bo‘ladi. Loyihaning rasmiy hujjatlari, ya’ni qaror va yo‘l xaritasi yaqin haftalarda tasdiqlanishi kutilmoqda.
Dastlabki bosqichda yiliga 10 dona zamonaviy tezyurar poyezd ishlab chiqarilishi mo‘ljallanmoqda. Bu poyezdlar O‘zbekiston ichidagi yirik shaharlarda yo‘lovchi tashish sifatini sezilarli darajada oshirishi ko‘zda tutilgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
