Xitoyda yashirin eshik tutqichlari rasman taqiqlandi
Xitoy 2027 yil 1 yanvardan boshlab yangi avtomobillarda suriladigan, yashirin va “aqlli” eshik tutqichlaridan foydalanishni taqiqlaydi. Barcha yangi transport vositalari faqat mexanik tutqichlar bilan jihozlanishi shart bo‘ladi. Qaror elektronika nosozligi sabab eshiklar ochilmay qolgan fojiali yo‘l-transport hodisalari va yong‘inlardan keyin qabul qilingan. Talablarga rioya qilmagan ishlab chiqaruvchilar avtomobillarini Xitoy bozorida sotish huquqidan mahrum etiladi.
Xitoy 2027 yil 1 yanvardan boshlab avtomobillarda suriladigan, yashirin va “aqlli” eshik tutqichlarini rasman taqiqlaydi. Endilikda barcha yangi ishlab chiqariladigan transport vositalari faqat mexanik tutqichlar bilan jihozlanishi shart bo‘ladi.
Mazkur qaror bir qator fojiali yo‘l-transport hodisalari va yong‘inlardan so‘ng qabul qilindi. Elektronika nosozligi sababli ba’zi hollarda eshiklar ochilmay qolgan, natijada odamlar salonda halok bo‘lgan. Mutaxassislar bunday tutqichlar inson hayoti uchun real xavf tug‘dirayotganini ta’kidlashmoqda.
Bugungi kunda Xitoyda mashhur elektrokar va gibrid avtomobillarning qariyb 60 foizida aynan yashirin turdagi eshik tutqichlari mavjud. Shu sabab, bu o‘zgarish nafaqat texnik yechim, balki ommaviy xavfsizlik chorasi sifatida qaralmoqda.
Yangi talablarga rioya qilmagan ishlab chiqaruvchilar avtomobillarini Xitoy bozorida sotish huquqidan mahrum bo‘ladi.
Izohlar 0
…