Rossiyada Xitoyda ishlab chiqarilgan yangi Volvo XC70 krossoveri namoyish etildi
Rossiyada Xitoyda ishlab chiqarilgan yangi "Volvo XC70" krossoveri namoyish etildi. Ushbu model avvalgi avloddan farqli o'laroq, D-sinfiga mansub oilaviy krossoverga aylangan. Avtomobil SMA platformasida qurilgan bo'lib, uning kuch qurilmasi uchta elektr dvigateli va 1,5 litrli "Geely" turbo motoridan iborat. Yangi "Volvo XC70" ning jahon prem'erasi 2025 yil yozida bo'lib o'tadi.
Rossiya bozorida yangi avlod "Volvo XC70" krossoveri namoyish etildi. Avvalgi avloddan farqli o'laroq, model endilikda yo'ltanlamas universal emas, balki D-klassiga mansub oilaviy krossoverga aylandi. Bu haqda Ixbt.com xabar beradi.
O'lchamlari bo'yicha u "XC60" va "XC90" modellari orasidan joy olgan.
Avtomobil SMA platformasida qurilgan bo'lib, uning kuch qurilmasi uchta elektr dvigateli va 1,5 litrli "Geely" turbo motoridan iborat. Tizimning umumiy quvvati 462 ot kuchini tashkil etadi.
Krossover 100 km/soat tezlikka 5,4 soniyada erishadi.
To'liq uzatmali avtomobil 39,6 kVt/soat sig'imli akkumulyator bilan jihozlangan. Bu faqat elektr energiyasida 212 km masofani bosib o'tish imkonini beradi.
Yoqilg'i baki va to'liq quvvat bilan krossover jami 1200 km yo'l yurishi mumkin.
Yangi "Volvo XC70" modelining jahon premyerasi 2025 yilning yozida bo'lib o'tgan edi. Hozirda ushbu avtomobil Xitoyning Taychjou shahridagi zavodda ishlab chiqarilmoqda.
Izohlar 0
…