Volkswagen kompaniyasi o‘z tarixidagi eng qudratli va ekstremal Golf modelini namoyish etdi. Golf R 24H deb nomlangan ushbu avtomobil kelgusi yili Nyurburgring trassasida bo‘lib o‘tadigan poygalarda ishtirok etish uchun maxsus tayyorlangan trekoviy prototip hisoblanadi. Bu haqda Ixbt.com xabar beradi.
Mazkur loyiha Max Kruse Racing jamoasi bilan hamkorlikda amalga oshirilmoqda va u 2002-yilda Golf R32 bilan boshlangan R turkumining 25 yilligiga bag‘ishlangan. Yangi model oddiy Golf R versiyasidan keskin farq qiladi: u agressiv aerodinamik kuzov to‘plami, yirik old splayter, kengaytirilgan g‘ildirak arkalari va ulkan orqa qanot (antikirlo) bilan jihozlangan.
Avtomobilning texnik xususiyatlari uning poyga uchun mo‘ljallanganini tasdiqlaydi. Kapotdagi havo o‘tkazgichlar va yon tomondagi egzoz tizimi kuchaytirilgan sovutish tizimiga ega ichki yonuv dvigateli mavjudligidan dalolat beradi. Orqa oynaning o‘rnini esa maxsus yopiq panel egallagan.
Hozircha Volkswagen ushbu modelni shou-kar sifatida taqdim etgan bo‘lsa-da, «Shimoliy halqa» (Nürburgring Nordschleife) poygalari uchun to‘laqonli poyga avtomobilini yaratish ustida ishlar qizg‘in davom etmoqda. Kompaniya vakillari buni hozirgi kundagi eng ta’sirli Golf R deb atamoqda.
Garchi hozircha ushbu modelning seriyali yo‘l versiyasi haqida rasmiy ma’lumot berilmagan bo‘lsa-da, kelajakda uning fuqarolik uchun mo‘ljallangan trekoviy modifikatsiyasi paydo bo‘lishi istisno etilmaydi.
“Zamin”ni Telegramʻda oʻqing!
