BMW kompaniyasi G29 avlodi hisoblangan Z4 rodsterini ishlab chiqarishni rasman yakunladi. So‘nggi avtomobil Avstriyaning Grats shahridagi Magna Steyr zavodi konveyeridan chiqdi. 2018-yildan buyon ishlab chiqarilgan ushbu model uchun to‘g‘ridan-to‘g‘ri voris rejalashtirilmagan. Bu haqda Ixbt.com xabar beradi.
BMW Z4 texnik jihatdan Toyota Supra A90 modeli bilan yaqin aloqador bo‘lib, har ikki avtomobil ham bir zavodda yig‘ilgan. Hozircha yapon sportkarining kelajagi qanday bo‘lishi noma’lum, garchi Toyota Supra nomini saqlab qolish niyatida ekanligini bildirgan bo‘lsa-da.
Modelning sotuv ko‘rsatkichlari yillar davomida pasayib bordi. Masalan, 2019-yilda 15,8 ming dona avtomobil sotilgan bo‘lsa, 2025-yilga kelib bu ko‘rsatkich 9,7 ming donaga tushdi. Shunga qaramay, ishlab chiqarish yakunlanishi arafasida, 2026-yilning birinchi choragida sotuvlar qariyb 5 foizga o‘sgan.
Z4 ishlab chiqarishdan olingach, BMW model qatorida faqat 4-seriya kabrioleti (G23) ochiq kuzovli avtomobil sifatida qoldi. Kompaniya avvalroq 8-seriyaning ochiq versiyasidan ham voz kechgan edi. Kelajakda BMW i4 bazasida elektr kabriolet paydo bo‘lishi ehtimoli istisno etilmaydi.
“Zamin”ni Telegramʻda oʻqing!
