Turkiyada dengiz to‘shagida uzoqlashib ketgan bola qutqarib qolindi

Turkiyaning Aydin viloyatida kichik qizaloq dengiz to‘shagida suv o‘rtasigacha uzoqlashib ketdi. U yordam so‘raganidan keyin voqea haqida Sohil xavfsizligi xizmatiga xabar berilgan.

Qutqaruvchilar qisqa vaqt ichida hududga yetib borib, qizaloqni xavfsiz joyga olib chiqqan. Uning ahvoli nazoratdan o‘tkazilganidan so‘ng, vahimaga tushgan oila a’zolariga topshirilgan.

Hodisa vaqtida qizaloqning sohildan qancha masofaga uzoqlashgani va unga tibbiy yordam kerak bo‘lgan-bo‘lmagani haqida qo‘shimcha ma’lumot berilmagan.