Spot Bitcoin ETF'lari ketma-ket olti hafta davom etgan 3,4 milliard dollarlik oqimdan so'ng, bir hafta ichida 1 milliard dollar miqdoridagi sof mablag' yo'qotdi. SoSoValue ma'lumotlariga ko'ra, hafta boshida 27,29 million dollarlik kichik o'sish kuzatilgan bo'lsa-da, seshanba kunidan boshlab investorlar mablag'larini faol ravishda qaytarib olishni boshladilar. Eng katta chiqib ketish chorshanba kuniga to'g'ri keldi va bu ko'rsatkich 635,23 million dollarni tashkil etdi. Bu haqda Cointelegraph.com xabar beradi.
Bozordagi bu o'zgarishlar Bitunix tahlilchilari tomonidan kapitalning sun'iy intellekt (AI) sektori va kripto aktivlarning institutsionalizatsiyasiga yo'naltirilayotgani bilan izohlanmoqda. NVIDIA, Google va Apple aksiyalari rekord darajaga yaqinlashar ekan, investorlar e'tiborini makroiqtisodiy omillar, xususan, AQSh va Xitoy munosabatlari hamda kripto-tartibga solish jarayonlariga qaratmoqda.
Kriptovalyuta bozoridagi noaniqlik Bitcoin narxining 82 000 dollar atrofida tebranishiga sabab bo'lmoqda. Tahlilchilar 80 000 dollarlik darajani asosiy qo'llab-quvvatlash nuqtasi sifatida belgilashgan. Ayni paytda bozor yuqori leverajli volatillik strukturasiga kirgan bo'lib, investorlar kelgusi yo'nalishni kutishmoqda.
Spot Ether ETF'lari ham o'tgan hafta davomida bosim ostida qoldi va besh kunlik savdo sessiyasi davomida jami 254,46 million dollar mablag' yo'qotdi. Natijada, ushbu fondlarning umumiy sof aktivlari 12,93 milliard dollargacha qisqardi.
“Zamin”ni Telegramʻda oʻqing!
