Majburiy ijro byurosi davlat ijrochilari sud va boshqa organ qarorlarini ijro etish orqali fuqarolar yoki jamiyat manfaatini himoya qiladi.
Ba’zi hollarda, fuqarolarimiz qarzdorliklarini bartaraf qilmasdan, davlat ijrochilariga qarshilik ko‘rsatmoqda. Bundan harakatlar uchun esa, qonunimizda javobgarlik belgilangan.
Joriy yilning 09 avgust kuni Majburiy ijro byurosi Qiziriq tumani bo‘limi davlat ijrochilari Yu.T., Sh.E. va S.S. lar tumanning “Bog‘iston” mahallasida yashovchi qarzdor R.O.ning jinoyat oqibatida yetkazilgan zararni undirish maqsadida, uning yashash manziliga borishgan.
Ijro harakatlarini amalga oshirish vaqtida qarzdor R.O va uning otasi A.X.lar davlat ijrochilarining qonuniy talablariga bo‘ysunmay faol qarshilik ko‘rsatib tan jarohati yetkazgan.
Mazkur holat bo‘yicha Qiziriq tuman prokuraturasi tomonidan O‘zbekiston Respublikasi Jinoyat kodeksining 219-moddasi 2-qismi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.
Har qanday vaziyatda ham davlat ijrochilarining harakatlarining qonuniy harakatlariga qarshilik ko‘rsatish emas, balki ular ijro etayotgan qaror ustidan tegishli organlarga murojaat qilish maqsadga muvofiqdir! “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
