20 avgust kuni AQSH Kongressi delegatsiyasi O‘zbekiston-Amerika hamkorligining bugungi holati va istiqbollarini, jumladan, parlamentlararo hamkorlikni kengaytirish masalalarini muhokama qilish uchun O‘zbekistonga keldi, deb xabar berdi «Dunyo» axborot agentligi.
O‘zbekistonning Vashingtondagi elchixonasi xabariga ko‘ra, delegatsiya tarkibida AQSH Kongressidagi «O‘zbekiston bo‘yicha kokus» hamraisi, Missisipi shtatidan respublikachi kongressmen Trent Kelli va vakillar Palatasi a’zosi, Illinoys shtatidan respublikachi kongressmen Derin Lahud va boshqa xodimlar bor.
Amerikalik mehmonlar O‘zbekistonga tashrifi davomida Oliy Majlis Senati va Qonunchilik palatasi rahbariyati, shuningdek, respublika vazirlik va idoralarida ikki tomonlama uchrashuvlar o‘tkazadi. Shuningdek, delegatsiya mamlakatimizning tarixiy va madaniy merosi bilan ham tanishadi.
Qayd qilish joizki, ushbu tashrif AQSH Kongressi a’zolarining 2017 yildan buyon O‘zbekistonga yettinchi safari bo‘ladi. O‘tgan yili Qo‘shma Shtatlarning har ikkala partiyasi (respublikachilar va demokratlar) delegatsiyasi ikki marta O‘zbekistonga kelgan, ulardan biriga Nyu-Yorklik demokrat kongressmen, Vakillar palatasining Tashqi ishlar qo‘mitasi raisi Gregori Miks boshchilik qilgan edi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Global ochlik va qashshoqlikka qarshi kurash alyansiga 82 mamlakat a’zo bo‘ldi
KXDR Rossiyaga 100 minggacha harbiy yuborishi mumkin
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Xatolar va mag‘lubiyatlar... ular kechiriladimi?
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Turkiya Isroil prezidenti samolyotini havo hududiga kiritmadi
Tyumen oblastiga O‘zbekistondan mehnat migrantlari ishga jalb qilinadi
