Qoraqalpogʻistonda Cobalt avtomashinasi yonayotib portlab ketdi (video)

^{Foto: Yoʻl harakati xavfsizligi xizmati}
Qoraqalpogʻistonning Toʻrtkoʻl tumanida Cobalt yonayotib portlab ketgani aks etgan video ijtimoiy tarmoqlarda tarqaldi. Yoʻl harakati xavfsizligi xizmati holat boʻyicha ma'lumot berdi.

Ma'lum qilinishicha, 11 noyabr kuni soat 15:30 larda Qoraqalpogʻistonning Toʻrtkoʻl tumani «Oqboshli» OFY hududidan oʻtuvchi A-380 avtomobil yoʻlining 584—585-kilometrlari oraligʻida haydovchi, 2001 yilda tugʻilgan K.S. boshqaruvidagi Cobalt dvigatel qismida qisqa tutashuv sababli yongʻin yuzaga kelgan va yukxonasida boʻlgan gaz ballon portlagan.

pic.twitter.com/9XzXCSHdDH

— Shuxrat Razzakov (@ShuhratRazzakov) November 13, 2022

Yongʻin oʻt oʻchiruvchilar tomonidan bartaraf etilgan. Hodisa natijasida tan jarohati olgan fuqarolar yoʻq.

Ushbu hodisa yuzasidan Toʻrtkoʻl tumani FVB va YHXB xodimlari tomonidan surishtiruv harakatlari olib borilmoqda. “Zamin”ni Telegramʻda oʻqing!