Singapur prezidenti davlat tashrifi bilan O‘zbekistonga keldi (foto)

21:20 / 23.05.2023·661·Jamiyat

Singapur prezidenti Halima Yaqub davlat tashrifi bilan O‘zbekistonga keldi. Bu haqida O‘zA xabar bermoqda.

^{Singapur prezidentining O‘zbekistonga davlat tashrifi}

^{© O‘zbekiston Prezidenti matbuot xizmati}

Islom Karimov nomidagi Toshkent xalqaro aeroportida oliy martabali mehmonni O‘zbekiston Respublikasi Bosh vazir o‘rinbosari Zulayho Mahkamova va boshqa rasmiylar kutib olishdi.

^{Singapur prezidentining O‘zbekistonga davlat tashrifi}

^{© O‘zbekiston Prezidenti matbuot xizmati}

Tashrif davomida oliy darajadagi muzokaralar bo‘lib o‘tadi. Unda mintaqaviy va xalqaro tashkilotlar doirasida o‘zaro qo‘llab-quvvatlash, ikki mamlakat yetakchi kompaniya va bank institutlari ishtirokidagi investitsiya loyihalariga ko‘maklashish, madaniy-gumanitar almashinuvni kengaytirish masalalari ko‘rib chiqiladi.

^{Singapur prezidentining O‘zbekistonga davlat tashrifi}

^{© O‘zbekiston Prezidenti matbuot xizmati}

Shuningdek, Halima Yaqub O‘zbekiston Senati raisi, diniy konfessiyalar rahbarlari bilan uchrashishi, ishbilarmon doiralar biznes-forumining ochilishida hamda qo‘shma ta’lim markazi faoliyatining taqdimotida ishtirok etadi.

^{Singapur prezidentining O‘zbekistonga davlat tashrifi}

^{© O‘zbekiston Prezidenti matbuot xizmati}

Bundan tashqari, Singapur prezidenti Samarqand shahriga tashrif buyuradi.

Eslatib o‘tamiz, O‘zbekiston prezidenti Shavkat Mirziyoyev 2023 yilning yanvar oyida davlat tashrifi bilan ushbu mamlakatda bo‘lgan edi. Halima Yaqubning O‘zbekistonga tashrifi javob tashrif hisoblanadi.