Qashqadaryoda qizni turmushga chiqishga undagan yigit qamoqqa olindi

^{Foto: Bolalar ombudsmani}
Qashqadaryo viloyati Shahrisabz shahrida uning roziligisiz ota-onasi unashtirgan qiz murojaat bilan chiqqan edi. U bolalar ombudsmaniga takroran murojaat qildi.

Ushbu qizga ichki ishlar organlari tomonidan himoya orderi taqdim etilib, uning xavfsizligini ta’minlash bo‘yicha tegishli choralar ko‘rilgan. Himoya orderi berilgan bo‘lsa-da, O.B (yigit) unga tazyiq va ruhiy bosim qilishni davom etgan.

Shu sababli 29 yanvar kuni O.B. bunday harakatlari uchun ma’muriy tartibda ushlanib, bugun, 30 yanvar kuni Jinoyat ishlari bo‘yicha Shahrisabz shahar sudi tomonidan Ma’muriy javobgarlik to‘g‘risidagi kodeksning 206-(1) moddasi (Tazyiq o‘tkazgan va (yoki) zo‘ravonlik sodir etgan yoxud ularni sodir etishga moyil bo‘lgan shaxs tomonidan himoya orderi talablarini bajarmaslik) bilan 10 sutkaga ma’muriy qamoqqa olindi. “Zamin” yangiliklarini “Telegram”da kuzatib boring