Apple smartfonni quritish uchun guruch yoki fendan foydalanmaslikni so‘radi

^{Foto: X}
Apple kompaniyasi odamlarni iPhone'ni quritish uchun guruchdan foydalanmaslikka chaqirdi. Kompaniyaning qo‘llab-quvvatlash jamoasi iPhone foydalanuvchilariga murojaat qildi. Kompaniya smartfonga suv kirib qolgan taqdirda boshqa tavsiyalar bilan ham o‘rtoqlashdi.

“Odamlar nam iPhone'ni saqlab qolishi uchun guruchga solish usulidan ko‘p marta foydalangan. Biroq tadqiqotchilar bir necha yillardan buyon bu afsona ekanini va guruch suvni tortib ololmasligini, balki smartfonning asosiy platasini keyingi zararlarga nisbatan himoyasiz holga keltirishini ko‘p yillar davomida bahslashmoqda”, — deydi mutaxassislar.

Shuningdek, iPhone'ni fen bilan quritish yoki uning ulagichlariga paxta tayoqchalari yoki tish cho‘tkalari kiritish ham zararli hisoblanadi. Buning o‘rniga, ortiqcha namlikni olib tashlash uchun qurilmani bir oz silkitib, keyin uni yaxshi shamollatiladigan quruq joyda qoldirish yaxshiroqdir.

“Keyin smartfon egalari kamida 30 daqiqa kutishlari va qurilmani kabel orqali zaryad qilishga harakat qilishlari kerak. Agar iPhone javob bermasa, uni quruq joyga qaytarish va u yerda taxminan bir kun ushlab turish lozim. Agar tavsiyalarning hech biri yordam bermasa, qo‘llab-quvvatlash yoki xizmat ko‘rsatish markaziga murojaat qilish kerak”, — deyiladi xabarda.

Shu bilan birga, iPhone'ning so‘nggi modellari suvga qisqa muddatga bardosh bera oladi. Biroq Apple gadjetning suvga chidamliligi vaqt o‘tishi bilan pasayib borishi haqida ogohlantirmoqda. “Zamin” yangiliklarini “Telegram”da kuzatib boring