Toshkent viloyatida 156 km tezlikda harakatlangan ayolga chora ko‘rildi

^{Kadr: Telegram}
Toshkent viloyati IIBB Yo‘l harakati xavfsizligi boshqarmasi transport vositasini soatiga 156 kilometr tezlikda boshqargan ayolga chora ko‘rdi.

Ijtimoiy tarmoqlar Equinox mashinasini Angren shahri “Gurum” mahallasi ko‘chalarida soatiga 156 kilometr tezlikda boshqargan va holatni videoga olib Instagram'dagi sahifasiga joylagan ayol videosi tarqaldi.

Qayd etilishicha, YHXB xodimlari tomonidan Equinox mashinasi va uni juda katta tezlikda boshqargan ayol topilgan. Unga Ma’muriy javobgarlik to‘g‘risidagi kodeksning tegishli moddalari bilan ma’muriy bayonnoma tuzilgan.

Mashinani ijaraga olgan ayol uni aholi punktlarida soatiga 156 kilometr tezlikda boshqarish mumkin emasligini bilmasligini ta’kidlagan. “Zamin” yangiliklarini “Facebook”da kuzatib boring