![Surxondaryoda noyob sirtlon o‘ldirilgani aytilmoqda](/uploads/posts/2024-07/xfb25839413_screenshot_13-lr-dfuvv.webp.pagespeed.ic.j9pCsdjN7A.webp)
Foto: Ekologiya vazirligi axborot xizmati
“Ekolog.uz” Telegram kanalida respublikada faqat Surxondaryoda yashaydigan, o‘ta noyob tur bo‘lgan, Xalqaro va O‘zbekiston “Qizil kitob”iga kiritilgan targ‘il sirtlonning (do‘lta) Sho‘rchi tumanida o‘ldirilgani haqida xabar bergan edi.
"Jamoamiz har yili targ‘il sirtlonlarining cho‘ponlar, mahalliy aholi, brakonerlar tomonidan o‘ldirilishi haqida bong uradi. Ammo, afsuski, jonivorni o‘ldirgan shaxslar topilgan taqdirda ham ular jazodan qutilib qolmoqda.
Zero, O‘zbekistonning barcha flora va faunasi qazilma boyliklar singari davlat boyligidir. Fikrimizcha, sanoqli qolgan mazkur jonivorlarning turli sabablar bilan o‘ldirilishi mamlakatga qarshi qilinayotgan jinoyatdir.
Barmoq bilan sanoqli qolgan mazkur hayvon va o‘simlik turlarini saqlab qolish uchun qamoq jazosi belgilanishi va o‘ta og‘ir jinoyat turiga kiritilishi shart", — deyiladi kanal xabarida.
Mazkur masala yuzasidan Ekologiya vazirligi izohida aytilishicha, Surxondaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi xodimlari va Milliy gvardiya xodimlari tomonidan holat o‘rganilgan.
![](/uploads/posts/2024-07/x85d475d76b_screenshot_12-ehnjwy1a.webp.pagespeed.ic.akXaEWdXAZ.webp)
Foto: Ekologiya vazirligi axborot xizmati
"Voqea 2023 yilning oktyabr oyi oxiri — noyabr oyi boshlarida Surxondaryo viloyati Sho‘rchi tumani “Obodon” mahallasida “Takatosh” massivida fuqaro Sh.X. tomonidan sodir etilganligi aniqlandi. Holat natijasida tabiatga 1 milliard 60 ming so‘m miqdorida zarar yetkazilgan.
O‘rganish natijalariga ko‘ra bir bosh noma’lum hayvonning suyaklari topilib, ular qaysi hayvon turiga tegishliligi borasida ilmiy xulosa olish maqsadida tegishli tashkilotlarga jo‘natildi. Xulosa olingach, hujjatlar chora ko‘rish maqsadida prokuratura organlariga yuboriladi", — deyiladi vazirlik axborotida.
![](/uploads/posts/2024-07/x197d3daf8d_screenshot_1-vvekkzmp.webp.pagespeed.ic.BMXv5prdnt.webp)
Foto: Ekologiya vazirligi axborot xizmati
Ekologiya vazirligining eslatib o‘tishicha, hayvonlarga nisbatan shafqatsiz munosabatda bo‘lish qat’iyan taqiqlangani, bu qonunga ko‘ra keskin javobgarlikka sabab bo‘ladi.
Xususan, O‘zbekiston Jinoyat kodeksining 202-moddasiga ko‘ra, “Qizil kitob”ga kiritilgan hayvonlarni nobud qilish eng kam oylik ish haqining 400 baravaridan 600 baravarigacha miqdorda jarima, 3 yildan 5 yilgacha ozodlikni cheklash yoki 3 yildan 5 yilgacha ozodlikdan mahrum qilish bilan jazolanadi.
Ma’lumot uchun, Surxondaryo hududida yashaydigan targ‘il sirtlon (do‘lta) Afrikadagi qarindoshidan farq qiladi. U ancha yirik va yoli bor. Go‘sht, o‘laksa, meva, hattoki och qolsa o‘simliklar bilan ham oziqlanadi. So‘nggi yillar ularning yashash hududi odamlar tomonidan o‘zlashtirilishi, yaylovzorga aylantirilib, chorvaning ko‘plab boqilishi natijasida soni juda kam qolib, butunlay yo‘q bo‘lib ketish arafasida. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Selderey, sabzi va qand miqdorini oshiruvchi kutilmagan boshqa mahsulotlar расм](/uploads/posts/2024-07/xa1b47cb871_6695151e66faa.webp.pagespeed.ic.M575loXEDI.webp)
Selderey, sabzi va qand miqdorini oshiruvchi kutilmagan boshqa mahsulotlar
![O‘zbekistonlik "Mirko"ning navbatdagi jang sanasi va raqibi ma’lum bo‘ldi расм](/uploads/posts/2024-07/x86c5c5747e_c72606f4660a3e2740f0eb4511aa5e37.webp.pagespeed.ic._Y5s0KdqFn.webp)
O‘zbekistonlik "Mirko"ning navbatdagi jang sanasi va raqibi ma’lum bo‘ldi
![Final arafasida Angliya va Ispaniya lagerida nimalar bo‘lmoqda? расм](/uploads/posts/2024-07/xe0c165fdd0_xoghcluysy6k48gsdb0b3er7aychj2ik_medium.webp.pagespeed.ic.eXRloXGYNi.webp)
Final arafasida Angliya va Ispaniya lagerida nimalar bo‘lmoqda?
![Turkiyada millionlab uysiz itlardan qutulishni istashmoqda расм](/uploads/posts/2024-07/xe1195ee092_hkxbaryv63jedd7cibdj1hoxu5kdabuj.webp.pagespeed.ic.6QQx-k7TkL.webp)
Turkiyada millionlab uysiz itlardan qutulishni istashmoqda
![Shavkat Mirziyoyev Trampga uyushtirilgan suiqasdga munosabat bildirdi расм](/uploads/posts/2024-07/x023491c34b_to9ajytg_kyoppmmrwuferlyuekekln1.webp.pagespeed.ic.OK25lXxTCi.webp)
Shavkat Mirziyoyev Trampga uyushtirilgan suiqasdga munosabat bildirdi
![Dunyodagi har ikkinchi odam ko‘rlikdan aziyat chekishi mumkin расм](/uploads/posts/2024-07/xee050619b1_photo_2024-07-15_10-02-57-zwkkfh1b.webp.pagespeed.ic.9TeM-WF4IK.webp)
Dunyodagi har ikkinchi odam ko‘rlikdan aziyat chekishi mumkin
![Donald Tramp suiqasddan keyin bayonot bilan chiqdi расм](/uploads/posts/2024-07/x32cca505c8_01.webp.pagespeed.ic.BijNHLqboH.webp)
Donald Tramp suiqasddan keyin bayonot bilan chiqdi
![O‘zbekistonlik tahlilchilar Trampga suiqasd haqida: «Hokimiyat uchun kurash fitnalarga boy kechadi» расм](/uploads/posts/2024-07/x4b23e522b3_01.webp.pagespeed.ic.crZi_MF1Qw.webp)
O‘zbekistonlik tahlilchilar Trampga suiqasd haqida: «Hokimiyat uchun kurash fitnalarga boy kechadi»