Saida Mirziyoyeva: “O‘zbekiston o‘z zimmasiga olgan majburiyatlarini to‘la-to‘kis bajarishga bel bog‘lagan”

^{Foto: Saida Mirziyoyeva Telegram kanali}
Prezident yordamchisi Saida Mirziyoyeva oiladagi zo‘ravonliklarga qarshi kurash bo‘yicha O‘zbekiston mintaqada yetakchiga aylanganidan faxrlanishini ma’lum qildi.

"Biz nufuzli xalqaro tashkilotlarning rahbarlari: JST Bosh kotibi Ngozi Okonjo-Iveala, BMT Yevropa iqtisodiy komissiyasi Ijrochi kotibi Tatyana Molchan, BMT Savdo va taraqqiyot konferensiyasi (UNCTAD) Bosh kotibi Rebeka Grinspan, JSST Bosh direktori Tedros Adanom Gebreyesus, Xalqaro mehnat tashkilotining Yevropa va Markaziy Osiyo bo‘yicha mintaqaviy direktori Beate Andreyes bilan bir davrada muloqot o‘tkazdik. O‘zbekistonda amalga oshirilayotgan keng ko‘lamli o‘zgarishlarni birgalikda muhokama qildik.

^{Foto: Saida Mirziyoyeva telegram kanali}
Men oiladagi zo‘ravonliklarga qarshi kurash bo‘yicha mamlakatimiz mintaqada yetakchiga aylanganidan faxrlanaman.

Biz barcha uchun teng imkoniyatlar yaratishga intilib, xotin-qizlar huquqlarini yanada kengaytiryapmiz. Bolalar mehnati va majburiy mehnatga barham berilishi, ta’lim va ijtimoiy sohadagi islohotlar — O‘zbekiston o‘z zimmasiga olgan majburiyatlarini to‘la-to‘kis bajarishga bel bog‘lagan.

^{Foto: Saida Mirziyoyeva telegram kanali}
Islohotlar va JSTga a’zolik yo‘lida O‘zbekistonni qo‘llab-quvvatlayotgani uchun xalqaro hamjamiyatga minnatdorlik bildiraman", deb yozdi Saida Mirziyoyeva. “Zamin” yangiliklarini “Telegram”da kuzatib boring