Buxoro viloyatining Shofirkon tumanidagi maktabda fohishaxona tashkil qilgan qorovulga sud hukm o‘qildi. Otaxon qo‘shmachilik qilish yoki fohishaxona saqlashda ayblanib, bir yil muddatga ozodligi cheklandi. Bu haqda Jinoyat ishlari bo‘yicha Shofirkon tumani sudi raisi xabar berdi.
Ma’lum qilinishicha, qorovul tumandagi 38-ixtisoslashtirilgan davlat umumta’lim maktabi sport zalining yechinish xonasidan shu maqsadda foydalanib kelgan.
Savrak qishlog‘ida yashovchi 62 yoshli fuqaro o‘ziga avvaldan tanish bo‘lgan Sh.H. ismli ayol bilan telefon orqali muloqotda bo‘lib, o‘zi qorovullik qilib kelayotgan maktab sport zalining yechinish xonasida u va uning mijozi uchun sharoit yaratib berishini va’da qilgan.
Shu kuni soat 20:00 larda maktabga kelgan ayol va erkak ishqiy munosabatda bo‘lish uchun ularga joy topib bergan qorovulga 60 ming so‘m xizmat haqi bergan. Qorovul esa va’dasiga ko‘ra, ularga jinsiy aloqa qilishlari uchun sport zalining kiyim almashtirish uchun mo‘ljallangan xonasini ko‘rsatgan. Pulni olgan qorovul ularni hech kim ko‘rib qolmasligi uchun qo‘riqlab turish maqsadida tashqariga chiqqan. Oradan bir oz vaqt o‘tib, Shofirkon tumani IIB tezkor xodimlari voqea joyiga yetib kelgan.
Shofirkon tuman IIB JQB xodimlari tomonidan o‘tkazilgan tuman hududida fohishaxona saqlash borasidagi holatlarning oldini olish va bunga qarshi kurashish tadbirida qorovulning siri fosh bo‘lgan. Uning xatti-harakatlari o‘rganilib, holat yuzasidan to‘plangan hujjatlar sudga oshirilgan. Ochiq sud majlisida o‘z qilmishlarini tan olgan va xatti-harakatlariga to‘la iqror bo‘lgan sudlanuvchi Jinoyat kodeksining 131-moddasi (qo‘shmachilik qilish yoki fohishaxona saqlash) bilan aybdor deb topildi. Unga nisbatan bir yilga ozodlikni cheklash jazosi qo‘llanildi, deydi Buxoro viloyat sudi bosh konsultanti Feruz Sharopov. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
