Foto: Videodan kadr
Samarqand viloyati Oqdaryo tumanida YPX xodimining qonuniy talabiga boʻysunmagan haydovchiga nisbatan qamoqqa olish ehtiyot chorasi qoʻllandi.
Joriy yil 4 fevral kuni soat 19:10 larda Oqdaryo tumani hududidan oʻtuvchi M-37 avtomagistralida YPX inspektori toʻxtash qoidalarini buzgan Cobalt haydovchisini toʻxtatgan. Haydovchidan hujjatlar talab qilingan, biroq u hujjatlarini taqdim qilishdan bosh tortib, harakatni davom ettirgan.
Haydovchi qilgan ishidan afsusda
Keyinroq haydovchi qonunbuzarligi uchun afsusini bildirib, shunday degan:
«Kecha men YPX xodimiga hujjat bermasdan, mashinani haydab ketib yubordim. Baribir meni topib, ushlashdi. Bu harakatim uchun pushaymonman. YPX xodimlaridan va oila a'zolaridan uzr soʻrayman. Barcha haydovchilarga tavsiyam — qonunga boʻysunsinlar, menga oʻxshab shu kabi vaziyatga tushib qolmasinlar».
Jinoiy ish qoʻzgʻatildi
Mazkur holat yuzasidan haydovchiga nisbatan Jinoyat kodeksining 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik koʻrsatish) 1-qismi boʻyicha jinoyat ishi qoʻzgʻatilgan va protsessual tartibda hibsga olingan. Hozirda tergov harakatlari davom etmoqda.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
