Namanganda mashinani ijaraga olgan o‘quvchilar ayanchli YTHga uchradi

^{Foto: Videodan kadr}
2 aprel kuni Namangan viloyati, Davlatobod tumanida Porloq mahallasida maktab o‘quvchisi tomonidan boshqarilayotgan Nexia-3 avtomobili qarama-qarshi yo‘nalishga chiqib, yuk avtomobili bilan to‘qnashdi.

Namangan viloyati IIB YHXB videolavhasida avtomobilning yuk mashinasi bilan to‘qnashgani va yuk mashinasi uni bir necha metrga sudragani ko‘rinadi.

To‘qnashuv oqibatida yengil avtomobil haydovchisi va yo‘lovchisi bo‘lgan maktab o‘quvchilari og‘ir ahvolda shifoxonaga yotqizilgan. Ulardan birida bosh miyasi va jag‘ suyagi sinishi, boldir suyaklari sinishi ham kuzatilgan.

Rasmiylarga ko‘ra, maktab o‘quvchilariga mashinani ijaraga bergan fuqaroning o‘zi ham avtomobilni ijaraga olgan bo‘lgan. Uning o‘zi o‘quvchilardan ijara uchun 150 ming so‘m olgan, o‘rtada vositachi bo‘lgan 11-sinf o‘quvchisi esa 70 ming so‘m olgan. Avtomobilni ijaraga bergan yigitning otasi va yuk mashinasi haydovchisi jamoatchilikka murojaat qilib, yosh bolalarning rulga o‘tirishiga ruxsat bermaslikni so‘ragan. “Zamin” yangiliklarini “Telegram”da kuzatib boring