Qashqadaryo viloyatida huquq-tartibot idoralari kriptoaktivlar aylanmasi bilan bog'liq yirik kiberjinoyatni aniqladi. Tekshiruv Kitob tumanida yashovchi fuqaroning “102” xizmatiga qilgan murojaatidan so'ng boshlangan: u plastik kartasidan 279,6 million so'm noma'lum tarzda yechib olinganini bildirgan. Bu haqda podrobno.uz xabar beradi.
Operativ qidiruv tadbirlari davomida gumonlanuvchi shaxs aniqlanib, u Navoiy viloyati Karmana tumanida yashovchi ekani ma'lum bo'ldi. Dastlabki ma'lumotlarga ko'ra, u kriptobirja orqali juda katta miqdordagi mablag'larni noqonuniy almashtirish bilan shug'ullangan.
Huquq-tartibot organlari gumonlanuvchining bank kartasi orqali o'tkazilgan noqonuniy operatsiyalar umumiy miqdori 896,9 million so'mdan oshganini qayd etdi. Holat yuzasidan Jinoyat kodeksining tegishli moddalari bilan jinoyat ishi qo'zg'atildi.
Hozirda tergov gumonlanuvchining boshqa bank kartalaridan pul o'g'irlash bilan bog'liq epizodlarga aloqadorligini tekshirmoqda, shuningdek, mablag'larni raqamli valyutaga chiqarish kanallari o'rganilmoqda.
“Zamin”ni Telegramʻda oʻqing!
