Prezidentning 27 iyuldagi PQ-3149-son “Sud hujjatlari va boshqa organlar hujjatlarini ijro etishda mol-mulkni sotish tartib-taomillarini tubdan takomillashtirish chora-tadbirlari to‘g‘risida”gi qarori imzolandi. Norma.uz’ning yozishicha, unga ko‘ra onlayn-kimoshdi savdolari joriy etilmoqda.
Joriy yilning 1 sentyabridan sud hujjatlari va boshqa organlar hujjatlarini ijro etishda mol-mulkni sotish bo‘yicha kim oshdi savdolari «E-IJRO AUKSION yagona elektron savdo maydoni orqali faqat elektron onlayn-kim oshdi savdolari shaklida o‘tkaziladi. Buning uchun kim oshdi savdolarida Internet orqali ishtirok etish imkonini beradigan maxsus dasturdan foydalaniladi. Buyurtmalarni qabul qilish va g‘oliblarni aniqlash jarayoniga aralashish istisno qilinadi.
Onlayn-kim oshdi savdosi o‘tkazilishi haqida lot ko‘rsatilgan holda u boshlanishidan 10 kun oldin xabar beriladi.
Xabarnoma :
• Elektron onlayn-kim oshdi savdolarini tashkil etish markazi veb-portalida;
• Bosh prokuratura va uning hududiy boshqarmalari huzuridagi Majburiy ijro byurosi veb-saytlarida e’lon qilinadi.
Onlayn-kim oshdi savdosida ishtirok etish uchun ERI bilan tasdiqlangan elektron buyurtma berish va zakalat kiritish zarur bo‘ladi. Bunda boshlang‘ich onlayn-kim oshdi savdolari narxni oshirish, takroriy onlayn-kim oshdi savdolari esa narxni tushirish tamoyili asosida o‘tkaziladi.
Mol-mulk onlayn-kim oshdi savdolariga baholash qiymati bo‘yicha qo‘yiladi. Davlat ijrochilari onlayn-kim oshdi savdolarida sotilmagan mol-mulkni arzonlashtirishga haqli emas.
Elektron onlayn-kim oshdi savdolarini tashkil etish markazining muassisi (mulkdori) vazifasini bajaradigan Majburiy ijro byurosi huzuridagi DUK korxonasi hisoblanadi.
Quyidagilar uning vazifasiga kiradi:
• sud hujjatlari va boshqa organlar hujjatlarini ijro etishda mol-mulkni sotish bo‘yicha elektron onlayn-kim oshdi savdolarini tashkil etish va o‘tkazish;
• mol-mulkni elektron onlayn-kim oshdi savdolarida sotish bilan bog‘liq axborot va maslahat xizmatlari ko‘rsatish;
• fuqarolarni elektron onlayn-kim oshdi savdolarida ishtirok etish tartibi hamda savdoga qo‘yiladigan mol-mulk to‘g‘risida keng xabardor qilish;
• elektron onlayn-kim oshdi savdolarida ishtirok etish uchun ERI kaliti sertifikatlarini berish;
• mol-mulkni saqlash, tashish, tutib turish bo‘yicha xizmatlar ko‘rsatish.
Markaz IJRO AUKSION yagona elektron savdo maydonida sud hujjatlari va boshqa organlar hujjatlarini ijro etishda mol-mulkni sotish bo‘yicha elektron onlayn-kim oshdi savdolarini tashkil etish va o‘tkazishga vakolatli hisoblanadi.
Markaz Qoraqalpog‘iston Respublikasida, viloyatlar va Toshkent shahrida filiallar tashkil etishi mumkin. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Turkiyaning Harper's Bazaar nashri yil ayolini aniqladi (foto)
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
20 yoshli o‘zbekistonlik qizni qarindoshi Turkiyaga sotib yubordi
Organizm o‘zini toksinlardan qanday tozalaydi?
Shols va Putin o‘rtasidagi suhbat Kiyevga signal bo‘ldi
Ayrim boshqaruv servis kompaniyalari shartnomalarida asossiz shartlar belgilangani aniqlandi
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
Buyrak salomatligi uchun eng foydali sabzavot...
