Avtobus tirband. Bo‘sh o‘rindiq yo‘q. To‘rt yoshlar chamasidagi qizchasi bilan arang ilinib olgan xomilador ayol, birov joy bo‘shatarmikin, degan umidda qo‘l telefonlariga termulib o‘tirgan yoshlarga qarab qo‘yardi. Ular parvoyi falak. Ko‘rsa ham ko‘rmaganga olib, joy berishmadi. Shu vaqt yoshi oltmishdan o‘tib qolgan ziyolinamo kishi o‘rnidan turib, iltifot qildi:
— O‘tiring, qizim! Uzr, e’tibor qilmabman.
Ayol rad qildi. Ammo u keskin bosh chayqab, ona-bolani o‘tirishga majbur qildi.
Ayol xijolat bo‘lsa ham, o‘tirdi. Ammo qizcha “o‘tirmayman” deb turib oldi. Boyagi odam cho‘ntagidan bir dona konfet olib uzatar ekan, “nimaga o‘tirmayapsan, ona qizim?” deb so‘radi.
— Ciz tuyganda men o‘tiyamanmi, amaki? Unaqa taybiya olmaganman. Kattalay tuyganda o‘tilib ketolmayman.
Uning javobi jaranglab chiqqani uchun hamma eshitdi. O‘rindiqlarga mixlanib qolgan yoshlar telefonlaridan boshini ko‘tarib, duv etib o‘rnilaridan qo‘zg‘alishdi.
Yashavor! Mittigina qizcha odobsizlarni zo‘r tarbiyalab qo‘ydi-ya. Ana bo‘larkan-u! O‘ziyam ellik foiz o‘rindiqlar bo‘shab qoldi.
Ammo bekorga xursand bo‘lgan ekanman. Eshik oldiga kelgan yoshlar qandaydir oliygoh bekatida tushish uchungina qo‘zg‘alishgan ekan. Ularning o‘rniga boshqalari chiqdi. Boyagi ziyoli odam va qizcha hamon tik, yangi chiqqanlar esa yaxshilab o‘rnashib, allaqachon telefonlarni chiqarib olishgandi.
Muazzam IBROHIMOVA
Manba: tasvir.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi