O‘zbekistonda transport vositalari egalarining fuqarolik javobgarligini majburiy sug‘urtalash polisi narxini ikki baravarga tushirish rejalashtirilmoqda.
Bugungi kunda bunday sug‘urta polisi narxi 400 ming so‘mdan ortiqroqdir. O‘zgarishlarga asosan, yaqin vaqt ichida bu narxni 200 ming so‘mgacha etib belgilash rejalashtirilmoqda.
"Bundan tashqari, yana bir yangilik – ranglari bilan farq qilib turuvchi ikki xil sug‘urta blankini joriy etishni rejalashtirmoqdamiz. Hozirda sug‘urtaning barcha turlari uchun yagona universal blankdan foydalaniladi, endilikda cheklovlarsiz alohida sug‘urta blankini ajratish rejalashtirilmoqda", — dedi Transport vositalari egalarining fuqarolik javobgarligini majburiy sug‘urta qilish bo‘yicha to‘lovlarni kafolatlash jamg‘armasi direktori Latif Zokirov.
Uning so‘zlariga ko‘ra, bu sug‘urta polisining noto‘g‘ri qo‘llanilishi, turli ko‘rinishdagi tovlamachiliklarning oldini oladi hamda uni olish jarayonini shaffof va osonlashtiradi.
Eslatib o‘tamiz, "Transport vositalari egalarining fuqarolik javobgarligini majburiy sug‘urta qilish to‘g‘risida"gi qonun 2008 yil aprelda qabul qilingan. Unda transport vositasiga egalik qilish huquqi vujudga kelganda transport egasi unga egalik qilish huquqi vujudga kelgan kundan e’tiboran o‘n kundan kechiktirmay o‘z fuqarolik javobgarligini sug‘urtalashi shartligi ko‘rsatilgan. Majburiy sug‘urta shartnomasi bir yil muddatga tuziladi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Osiyo kubogi: O‘zbekistonning g‘alabasiga xorijdan qanday munosabat bo‘lmoqda?
O‘zbekiston U-23 terma jamoasi Indoneziyani mag‘lub etib, final va Parij Olimpiadasi yo‘llanmasini qo‘lga kiritdi
Shavkat Mirziyoyev: Jahonda investorlar uchun mislsiz kurash ketyapti
Olmaotada o‘likxona qo‘riqchisi jasadlarni zo‘rlaganlikda gumon qilinmoqda
Prezident Olimpiadaga yo‘llanma olgan futbolchilarga tabrik yo‘lladi
Toshkentda «prava» olib berish bilan bog‘liq firibgarlik holatlari fosh etildi
Orol dengizi bo‘yida mobil aloqa va internet tarmog‘i ishga tushirildi