9 avgustga o‘tar kechasi Toshkent shahrining Yunusobod tumani hududida joylashgan «Aurum 898» tungi klubida ro‘y bergan, erkin kurash bo‘yicha professional sportchi Jamshid Kenjayev va klub qo‘riqchilari o‘rtasida kelib chiqqan pichoqbozlik videosi tarqaldi. Sportchining o‘limi bilan yakunlangan hodisa binodagi kuzatuv kameralari orqali yozib olingan.
Videoda ko‘rish mumkinki, binoga kirish eshigi oldida ziddiyat yuzaga kelgach, Jamshid Kenjayev qo‘riqchilardan biriga sovuq qurol bilan tashlangan. U ikki qo‘riqchini jarohatlagan, ammo boshqa qo‘riqchilar undan pichoqni tortib olib, uni o‘lasi qilib kaltaklashgan, sportchiga pichoq bilan 10 dan ortiq zarba berilgan. Kenjayev olingan og‘ir jarohatlar oqibatida shifoxonada jon bergan. Ayni vaqtda ikki qo‘riqchi, Sherali Ilyasov va Abdurasul Mirzayev ham shifoxonaga yotqizilgan.
Toshkent shahri IIBB axborotiga ko‘ra, janjalda ishtirok etgan qo‘riqchilarning 3 nafari - 29 yoshli Shodali Qilichev, 24 yoshli Saidazim va 26 yoshli Jahongir qo‘lga olingan.
Prokuratura matbuot xizmati xabar berishicha, ushbu holat yuzasidan Jinoyat kodeksining 97-moddasi («Qasddan odam o‘ldirish») alomatlari bilan ish qo‘zg‘atilgan, tergov-surishtiruv ishlari olib borilmoqda.
Ish yuzasidan tergov harakatlari shahar prokuraturasining O‘ta og‘ir jinoyatlarni tergov qilish bo‘limi tomonidan olib borilmoqda.
Ayni vaqtda Yunusoboddagi tungi klub vaqtinchalikka yopib qo‘yilgan.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
Shavkat Mirziyoyev ikki yirik tuzilma rahbarlari bilan muloqot o‘tkazdi
AQSH marixuanani kuchli giyohvand moddalar ro‘yxatidan chiqaradi
Toshkentda pullarni ko‘paytirib berishini aytib, fuqaroni chuv tushirgan treyder ushlandi
Quddusda Turkiya fuqarosi isroillik politsiyachiga pichoq bilan hujum qildi
Xokkey bo‘yicha O‘zbekiston terma jamoasi "U-18 Osiyo-Okeaniya chempionati" g‘olibi bo‘ldi
"Liverpul" futbolchisi jamoadoshining xotini bilan “don olishib yurgani" ma’lum bo‘ldi