Gaz ballonlari bilan jihozlangan avtotransport vositalari, shuningdek, tabiiy gazda ishlaydigan markazlashtirilgan qozonxonalardan bexatar foydalanishga doir shoshilinch chora-tadbirlar toʻgʻrisidagi Hukumat qarori qabul qilindi.
Qarorda taʼkidlanishicha, avtomobillarni gaz bilan toʻldirish kompressor stansiyalarining soni 670 taga yetdi va avtotransport vositalarining 50 foizdan ortigʻi muqobil yoqilgʻi sifatida siqilgan tabiiy gazdan foydalanmoqda.
Shu bilan birga, avtomobillarni gaz bilan toʻldirish kompressor stansiyalarida gaz ballonlarini toʻldirishda, gaz balloni uskunalarining birikkan joylari zichligi va ishonchliligini davriy sinovdan oʻtkazishda, shuningdek, eskirgan gaz ballonlaridan foydalanish oqibatida belgilangan talab va tartiblarni buzish holatlari uchramoqda.
Bu kabi qoidabuzarliklar insonlar hayoti va salomatligiga zarar yetkazadigan va koʻpincha oʻlim bilan tugaydigan baxtsiz hodisalarga sabab boʻlmoqda. Xususan, 2018 yil 18 sentyabr kuni Buxoro viloyatining Kogon tumanida “Isuzu” yoʻlovchi avtobusida oʻrnatilgan gaz balloni portlashi oqibatida 5 kishi halok boʻlgan, 21 kishi jarohatlangan.
Qozonxona uskunalaridan foydalanish ishonchliligini oʻrganish boʻyicha amalga oshirilayotgan ishlar va ularni tabiiy gaz bilan taʼminlash tizimi zamonaviy talablarga javob bermaydi, energiya taʼminoti va energiya samaradorligi masalalariga yetarlicha eʼtibor qaratilmayapti.
Avtomobillarni gaz bilan toʻldirish kompressor stansiyalari va gaz ballonlari bilan jihozlangan avtotransport vositalarini, shuningdek, tabiiy gazda ishlaydigan markazlashtirilgan qozonxonalarni xatlovdan oʻtkazish hamda ularning ishonchliligi va xavfsizligini oshirishga doir takliflar tayyorlash boʻyicha Respublika komissiyasi tashkil etildi.
Shuningdek, qarorga muvofiq gaz ballonlari bilan jihozlangan va yoʻlovchilarni tashish uchun moʻljallangan avtobus, mikroavtobus va yengil avtotransport vositalari (taksilar)ni 2018 yil 1 dekabrgacha, jismoniy shaxslarning avtotransport vositalari hamda tashkilotlarning gaz ballonlari bilan jihozlangan hamda ishlab chiqarish jarayonida va yuklarni tashishda foydalaniladigan maxsus texnikasi – texnik koʻrikni oʻtkazishning belgilangan muddatlarida xatlovdan oʻtkazilishi belgilandi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Donald Tramp sudga hurmatsizlik qilgani uchun jarimaga tortildi
Andijonda kelin erining uyidan seplarini MIB orqali qaytarib oldi
Internet-qaroqchilik. Buning uchun qanday javobgarlik bor?
Hokimlik xodimi firibgarlik ortidan qo‘lga tushdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Makron fransuz qo‘shinlarini Ukrainaga yuborish shartlarini aytdi
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi