Qoraqalpogʻiston Respublikasi Moʻynoq tumanida Navroʻz bayrami oʻzgacha ruhda oʻtkazilishi rejalashtirilmoqda. Yangi hayot boshlanayotgan tumanda bayramni oʻtkazishga qizgʻin tayyorgarlik koʻrilmoqda.
– Tumanda “NavrUZ” etnofestivalini oʻtkazish uchun alohida tayyorgarlik koʻrilmoqda, – deydi Qoraqalpogʻiston Respublikasi Madaniyat vaziri oʻrinbosari Asan Niyetullayev. – Ushbu etnofestivalni tashkil qilishdan asosiy maqsad Moʻynoq tumanida turizmni rivojlantirishga hissa qoʻshish va milliy anʼanalarimizni madh etishdan iboratdir. Festival asosan tuman markazi – Hunarmandlar qishlogʻida oʻtkaziladi. Tadbir ishtirokchilari ikki kun davomida har xil folklor-etnografik jamoalarning chiqishlarini, milliy oʻyinlarni va koʻrgazmalarni tomosha qilishi mumkin.
Festival mehmonlari hududda baliqchilar, hunarmandlar uylari, milliy anʼanaga mos tarzda uy mehmonxonalari qurilganiga guvoh boʻladi. Hunarmandlar shu yerda kashtachilik, gilamchilik, quroq tikish va boshqa ishlar bilan shugʻullanmoqda.
Milliy anʼanalarga bagʻishlangan teatrlashtirilgan xoreografik dasturlar namoyish etilishi koʻzda tutilgan. Sumalak, Navroʻz goʻja tayyorlanadi. Chimboy tumanidan tashrif buyurgan uy ustalari esa oʻtovlarni qurish jarayonini namoyish qilishadi. Qoraqalpogʻiston Respublikasi jismoniy madaniyat va sport vazirligi milliy hamda xalqimizning azaliy ot sporti oʻyinlarini namoyish etadi.
Festival davomida bir tomonda milliy kiyimlar modasi namoyish etilayotgan boʻlsa, ikkinchi tomonda hunarmandlarning qoʻl mehnatlari koʻrgazmasi boʻlib oʻtadi. Sayl tashkil etiladi.
Mumtoz ashulalar yangrab, gulxan atrofida jirov-baxshilar terma-dostonlar ijro etishadi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Moskvada "Falungun" sektasi tarafdorlari qo‘lga olindi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi