«Stadionga kiritmasa ham yo‘lini topamiz». Ikki muxlis «Union»—«Bavariya» o‘yinini 12 metrlik daraxtga chiqib kuzatdi

«Union» muxlislari Bundesliga 26-turidan o‘rin olgan «Bavariya»ga qarshi o‘yinni jonli ko‘rishga muvaffaq bo‘ldi.

Ikki nafar ishqiboz «Union» stadioni yonidagi 12 metrlik daraxtga chiqib uchrashuvni kuzatib borgan, deya xabar qilmoqda Bild. Ikkisi ma’lum vaqt futbol tomosha qilgan, biroq politsiya ularni ko‘rib qolgan va pastga tushishga majbur qilgan. Muxlislar jazoga tortilmagan, ular shunchaki o‘yingoh hududidan chiqarib yuborilgan.

Mazkur bahsda «Bavariya» maydon egalari ustidan 2:0 hisobidagi g‘alabani qo‘lga kiritdi va ochkolarini 58 taga yetkazib olgan holda peshqadamlikni mustahkamladi. “Zamin”ni Telegramʻda oʻqing!