Sanitariya-epidemiologiya nazorati davlat inspeksiyasi boshlig‘i Nurmat Otabekov AOKA huzuridagi shtabda bo‘lib o‘tgan brifingdan so‘ng jurnalistlar savollariga javob qaytardi.
Savollardan biri koronavirus infeksiyasi soni bilan bog‘liq raqamlar haqida aholi o‘rtasida har xil tushunarsiz savollar kelib chiqayotgani haqida bo‘ldi. Xususan, xabarlarda e’lon qilinayotgan bemorlarning soni haqiqiy yoki haqiqiy emasligi, buning ortida odamlarni karantin talablariga rioya etishga undash maqsadi turgani borasida savol berildi.
Nurmat Otabekovning ta’kidlashicha, raqamlarni bo‘rttirib ko‘rsatish yoki ularni kattaroq raqam qilib ko‘rsatish — hech qachon O‘zbekistondagi soha vakillarining maqsadi bo‘lgan emas.
“Eng asosiysi, bizda kasallikni yashirishga urinish yo‘q. Laboratoriya tekshiruvi natijasida aniqlangan har bir shaxs qaysi hududdan ekani, qaysi aholi qatlamiga mansub ekani, u karantin hududida yo xorijdan kelgan fuqarolar orasida qayd etilayotgani to‘g‘risida to‘liq axborotni bir kunda 2 marotaba televideniye orqali ommaga yetkazyapmiz.
Asosiy maqsadimiz — ularni xavotirga solish emas, ularni hushyorlikka chaqirish. Kasallik qo‘zg‘atuvchilari atrofimizda borligini, har bir ehtiyotsizlik kasallikni yuqtirib olish ehtimolini yuzaga keltirishi mumkinligini biz qayta-qayta eslatyapmiz.
Dunyo statistikasiga ahamiyat bering: bir kunda, masalan bugun (15 iyun) jahon miqyosida 123 mingta bemor qayd etildi, kecha 140 ming bemor aniqlangan.
Albatta, dunyo hamjamiyatidagi raqamlarning oldida O‘zbekistonda ko‘rsatkichlar birmuncha past. Bularning barchasi — biz, sizlar bilan birgalikda olib borayotgan targ‘ibot-tushuntirish ishlarimiz, qolaversa, shu ishga jalb qilingan soha xodimlarining sa’y-harakatlari natijasi.
Asosiy maqsad epidemik vaziyatni jilovlashga qaratilgan. Biz kasallik keng ko‘lamda aholiga tarqalib ketishining oldini olish bo‘yicha hamma ishlarni qilyapmiz. Aholiga to‘g‘ri ma’lumotni o‘z vaqtida yetkazishga harakat qilyapmiz”, - dedi u. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
O‘zbekistonlik 17 yoshli qiz dunyoning yetakchi universiteti olimlari bilan tadqiqot olib bormoqda
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Jizzaxda uchta yuk mashinasi ishtirokida YTH sodir bo‘ldi
Ukraina prezidenti mahbuslarni safarbar qilish to‘g‘risidagi qonunni imzoladi
“Roma” Shomurodov uchun yana 8 million yevro xarajat qiladi!
D vitamini dozasini oshirib yuborishning xavfli oqibatlari
Surxondaryo viloyatida ayiq IIB xodimiga jarohat yetkazdi
“O‘zgidromet” kelasi hafta boshida kuzatiladigan ob-havo prognozini e’lon qildi
