O‘zbekiston Respublikasi Fuqarolik kodeksiga qo‘shnilar huquqi bo‘yicha yangi bob qo‘shiladi va unda muayyan bir chegaralarni belgilash, mavjud mulkka nisbatan kimning huquqi borligi kabi masalalar aks etadi. Bu haqda Toshkent davlat yuridik universiteti kafedra mudiri Nurillo Imomov 10 sentabr kuni AOKAda o‘tkazilgan matbuot anjumanida aytib o‘tdi.
Tadbirda qo‘shnichilik munosabatlari bugungi kungacha Fuqarolik kodeksida alohida bob bilan tartibga solinmagani, qo‘shnilar o‘rtasida nizolar bo‘lsa, umumiy qoidalar asosida yechib kelinishi qayd etib o‘tilgan.
«Qo‘shni huquqi ilg‘or xorijiy davlatlar tajribasida bor. Masalan, Germaniya, Gruziya, Polsha, Fransiya va Rossiya davlatlari fuqarolik kodekslarida qo‘shnichilik huquqi degan alohida boblar mavjud. Biz ushbu mamlakatlar tajribasini o‘rganib, yangi tahrirdagi Fuqarolik kodeksiga «Qo‘shni huquqi» degan bobni kiritdik.
Bunda muayyan bir chegaralarni belgilash, mavjud mulkka nisbatan kimning huquqi borligi kabi masalalar aks etadi. Misol uchun, uy-joy, imoratlar qurilayotganda balandligi qancha bo‘lishi kerak, u qo‘shniga zarar qilmaydimi, o‘rtadagi devor kelishib quriladimi yoki birovning mulki hisoblanadimi, simlar, suv quvuri o‘tishi, daraxt o‘sgan bo‘lsa uning shoxidan to‘kiladigan mevalar kimniki kabi o‘nlab masalalar tartibga solingan», dedi Nurillo Imomov.
Ma’lum qilinishicha, yangi tahrirdagi Fuqarolik kodeksi loyihasi uchun 50dan ortiq mahalliy, 20dan oshiq xorijiy ekspertlar yordamidan foydalanilyapti. Hujjat 1178ta moddadan iborat bo‘lib, uni tayyorlash jarayoni davom etmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya Kursk viloyatidagi hududlarini qaytarib olishga 50 ming harbiy to‘pladi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
