10:15 / 13.02.2015
5 353

Rossiyaliklar televideniedan ko‘ra ko‘proq internetga ishonishlari ma’lum bo‘ldi

Rossiyaliklar televideniedan ko‘ra ko‘proq internetga ishonishlari ma’lum bo‘ldi
Synovate Comcon kompaniyasi tomonidan o‘tkazilgan RosIndeks tadqiqoti ma’lumotlariga ko‘ra, 2013 yilda qayd etilgan rossiyalik tomoshabinlarning televideniedagi axborotlarga o‘sayotgan ishonchi 2014 yilning ikkinchi yarmida to‘xtab qoldi. Hozirda televideniedagi axborotga 10 yoshdan katta bo‘lganlardan iborat auditoriyasining 41 foizi ishonadi. Televidenie auditoriyasi hali ham barqaror hamda 93 foiz miqdorida saqlanib turibdi. Tahlilchilarning fikricha, televideniega ishonchning o‘sishda to‘xtatishi yangiliklar va ijtimoiy-siyosiy dasturlarga qiziqishning faol o‘sishi tufayli yuz bermoqda.

2014 yilning ikkinchi yarmida foydalanuvchilarning internetdagi axborotga ishonchi qisman tiklangan. Hozirda internetga haftalik auditoriyaning 42 foizi ishonch bildirmoqda. Shu davr mobaynida siyosat, jamiyat, xalqaro munosabatlar mavzularidagi axborotlarga qiziqish 17 foizgacha tushib ketgan, shu bilan birga mutaxassislar internetga ishonch o‘zining oldingi darajalariga qaytganligini qayd etishgan.

Tahlilchilar, shuningdek, gazetalar auditoriyasi va ularga ishonchning yo‘qolganini qayd etdilar (o‘tgan yilning ikkinchi yarmida mos ravishda 36 va 37 foizga), radiodagi axborotga esa borgan sari ko‘proq odamlar ishonch bildirmoqdalar: 2014 yilning ikkinchi yarmida ularning soni 28 foizga, haftalik auditoriyasi esa 64 foizga oshdi.

Manba: www.kun.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Rossiyaliklar televideniedan ko‘ra ko‘proq internetga ishonishlari ma’lum bo‘ldi
[/banner_pushhouse