Spark oynasidan tik turgan holatda «s’yomka» qilgan shaxs javobgarlikka tortildi

^{Kadr: Videodan skrinshot}
Ijtimoiy tarmoqda «Bizning fotograflar oldida Gollivud kaskadyorlari xijolat» izohi bilan video tarqalib, keng muhokamalarga sabab bo‘ldi. Video yuzasidan YHXBB axborot xizmati ma’lumot berdi.

Videoda yo‘lovchi o‘z salomatligini xavf ostiga qo‘ygan holda harakat vaqtida Spark rusumli avtomobil salonidan chiqib olganligi aks etgan. Video Toshkent shahar IIBB YHXB xodimlari tomonidan o‘rganilganda, ushbu holat 2021 yil 5 oktabr kuni soat 16:30 larda Yangihayot tumani hududida sodir bo‘lgani aniqlandi.

Yo‘lovchi sifatida qoidani buzgan, 1999 yilda tug‘ilgan M.M.ga nisbatan Ma’muriy javobgarlik to‘g‘risidagi kodeksning 138-moddasi to‘rtinchi qismi (transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) tartibida bayonnoma rasmiylashtirildi.

Ma’lumot uchun, ushbu modda bilan javobgarlikka tortilgan shaxslarga BHMning 1 barobari miqdorida jarima tayinlanadi. “Zamin” yangiliklarini “Twitter”da kuzatib boring