2021 yil 13 oktabr kuni Oliy Majlis Senati Raisi T.Narbayeva boshchiligidagi O‘zbekiston delegatsiyasi Rossiyaning Sankt-Peterburg shahrida bo‘lib o‘tgan uchinchi Yevrosiyo ayollar forumining «Tinchlik va ishonch diplomatiyasini rivojlantirishda ayollar missiyasi» deb nomlangan yalpi majlisida ishtirok etdi. Bu haqda O‘zbekiston Respublikasi Oliy Majlisi Senatining Axborot xizmati xabar berdi.
Majlisda Ozarbayjon, Bangladesh, Vetnam, Qozog‘iston, Qirg‘iziston, Gabon, Mozambik, Mo‘g‘uliston, Moldova, Nikaragua, Tojikiston, Turkmaniston, Zimbabve va Eron kabi 110 ta mamlakatning 350 ga yaqin delegati, ijro etuvchi hokimiyat vakillari, xalqaro va nodavlat tashkilotlar rahbarlari, shuningdek, ishbilarmon doiralar, jamoat va akademik tashkilotlar vakillari ishtirok etdi.
Yevrosiyo ayollar forumining yalpi majlisini Rossiya Federatsiyasi Kengashi Raisi V.Matviyenko ochib berdi.
Tadbirda Oliy Majlis Senati Raisi T.Narbayeva so‘zga chiqdi. O‘zbekiston parlamentining yuqori palatasi rahbari ishtirokchilarni Prezident Sh.Mirziyoyev rahbarligida amalga oshirilayotgan islohotlar va o‘zgarishlarning asosiy natijalari, siyosiy tashabbuslar, shuningdek, mamlakatda xotin-qizlarning huquqlari va imkoniyatlarini kengaytirish chora-tadbirlari haqida xabardor qildi.
O‘zbekistonda gender siyosatini amalga oshirish va xotin-qizlar huquqlarini himoya qilish davlat siyosatining asosiy ustuvor yo‘nalishlari darajasiga ko‘tarilgani ta’kidlandi.
Shuningdek, O‘zbekiston tomoni xotin-qizlar huquqlari va gender tenglikni xalqaro hamjamiyatda targ‘ib qilish bo‘yicha tajriba almashishga va boshqa davlatlarning bu boradagi ilg‘or amaliyotini o‘rganishga tayyorligi bildirildi.
Yalpi majlis ishtirokchilari 2022 yilda Samarqand shahrida o‘tkazilishi rejalashtirilayotgan Jahon mamlakatlari parlamentlari ayol spikerlarining navbatdagi 14-sammitiga taklif etildi.
Tadbir davomida so‘zga chiqqan boshqa davlatlar delegatsiyalari rahbarlari pandemiya oqibatlarini bartaraf etish, xotin-qizlarning huquq va manfaatlarini himoya qilish, gender tenglikni targ‘ib qilish, barqaror rivojlanishga erishish bo‘yicha o‘z mamlakatlari tajribasi bilan, shuningdek, amalga oshirilayotgan islohotlar natijalari bilan o‘rtoqlashdi.
Majlis yakunlari bo‘yicha gender tenglikni mustahkamlashga qaratilgan tavsiyalar ishlab chiqildi, deyiladi xabarda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
