Xalqaro qidiruvdagi o‘zbekistonlik ayol qo‘lga olindi

Politsiya xodimlari Sankt-Peterburg shahrida xalqaro qidiruvda bo‘lgan 55 yoshli O‘zbekiston fuqarosini qo‘lga olishdi. Bu haqda «78.ru» axborot sayti o‘z manbasiga tayanib xabar berdi.

Ayol yirik miqdordagi firibgarlikda ayblanmoqda. Aniqlanishicha, u 2018 yil avgust oyida o‘z uyini tanishiga rasmiylashtirib berishni va’da qilib, undan 13,5 ming dollar avans pulini olgan. Biroq va’dasini bajarmay, pullarni o‘zlashtirib, sarflab yuborgan. Ayol hibsga olingan. “Zamin”ni Telegramʻda oʻqing!