Qashqadaryoda 12 nafar yigit mashinalar oynasidan chiqib olib, qarama-qarshi tomonga harakatlandi

^{Foto: Videodan skrin}
Ijtimoiy tarmoqlarda bir qancha yosh yigitlar transport vositalarining oynasidan chiqib olgan holda mashinalarda turli xavfli manyovrlar qilgani aks etgan videolavha tarqaldi. Yo‘l harakati xavfsizligi xizmati holat bo‘yicha ma’lumot berdi.

Qayd etilishicha, videotasvirdagi vaziyat Qashqadaryo viloyati Shahrisabz shahrida sodir bo‘lgan. 5 ta transport vositasining haydovchilari guruh-guruh bo‘lib, qarama-qarshi harakatlanish uchun mo‘ljallangan yo‘lga chiqib avtomobil boshqargan. Haydovchi va yo‘lovchilarning shaxsi aniqlanib, jami 12 nafar fuqaroga nisbatan tegishli hujjatlar rasmiylashtirilgan va sud tomonidan ko‘rib chiqilgan.

Ularning 6 nafariga nisbatan Ma’muriy javobgarlik to‘g‘risidagi kodeksning 183-moddasi (mayda bezorilik) bilan 15 sutka qamoq jazosi tayinlangan. Qolgan 6 nafariga esa BHMning 3 baravari (810 ming so‘m) miqdorida jarima qo‘llanilgan. “Zamin” yangiliklarini “Odnoklassniki”da kuzatib boring