Sirdaryoda yuk mashinasi bilan to‘qnashgan Cobalt yonib ketdi

^{Foto: Sirdaryo viloyati FVB axborot xizmati}
Sirdaryo viloyatining Oqoltin tumani Sardoba shaharchasi hududida yuk mashinasi bilan to‘qnashgan Cobalt yonib ketdi, deb xabar beradi viloyat FVB axborot xizmati.

Ma’lum qilinishicha, 18 aprel kuni soat taxminan 07:35 da Oqoltin tumani Sardoba shaharchasi hududidan o‘tgan A-373 yo‘lining 4-kilometrida fuqaro O.S boshqaruvida bo‘lgan oq rangli Cobalt mashinasi va yuk avtomobili ishtirokida yo‘l-transport hodisasi yuz bergan. Oqibatda yengil mashinada yong‘in chiqqan.

Yong‘indan Cobalt’ning old kapot va salon qismi yonib zararlangan. Voqea joyiga zudlik bilan Oqoltin tumani FVBdan 2 ta yong‘in-qutqaruv ekipaji yetib borgan va tez fursatda yong‘in to‘liq bartaraf etilgan. Hodisa oqibatida insonlarning o‘limi va tan jarohati olish holatlari kuzatilmagan.

^{Foto: Sirdaryo viloyati FVB axborot xizmati}
Hozirda FVB hamda IIB YHXB tomonidan dastlabki surishtiruv ishlari olib borilmoqda. “Zamin” yangiliklarini “Odnoklassniki”da kuzatib boring