«Kimni ‘terpila’ deyapsan?». Toshkentda IIB xodimi va haydovchi o‘rtasida tortishuv yuzaga keldi

Ijtimoiy tarmoqlarda Toshkent shahrida ichki ishlar organi xodimi va fuqaro o‘rtasida tortishuv yuzaga kelgani aks etgan videotasvir tarqaldi. Shahar IIBB holat yuzasidan munosabat bildirdi.

Qayd etilishicha, holat 23 aprel kuni soat 21:00 larda Bektemir tumanida sodir bo‘lgan. Toshkent shahar IIBB safdor xodimi N.Sh. va fuqaro J.S. o‘zaro gap talashib, og‘zaki tortishgan.

Ijtimoiy tarmoqda tarqalgan videoda ichki ishlar xodimi va haydovchi o‘rtasida yuzaga kelgan nizoli vaziyat aks etgan bo‘lib, videoda fuqaroning quyidagi gaplari quloqqa chalinadi:

«Yo‘lning o‘rtasida tushyapsan, urib yuborishimga sal qoldi, aqlli... Sen ishdan bo‘shaysan bugun... Kimni ‘terpila’ deyapsan? Qayerda ishlaysan? ‘Terpila’ ekanimni isbotlaysan. Ism-familiyang nima?».

Toshkent shahar IIBB holat yuzasidan xizmat tekshiruvi tayinlangani, yakuni bo‘yicha qonuniy chora ko‘rilishini ma’lum qilgan. “Zamin” yangiliklarini “Facebook”da kuzatib boring