Toshkent shahar IIBB yoshlarni ishga chaqiradi

Toshkent shahar Ichki ishlar bosh boshqarmasining patrul-post xizmatidagi mavjud bo‘sh safdorlik lavozimlariga ichki ishlar organlarida xizmat o‘tash istagini bildirgan erkak nomzodlar uchun tanlov e’lon qilingan.

Tanlovda ishtirok etish istagini bildirgan (erkak) shaxslar 2022 yilning 30 mayidan 3 iyuniga qadar har kuni soat 09:00dan 17:00gacha Bosh boshqarma Ma’naviy-ma’rifiy ishlar va kadrlar bilan ta’minlash xizmatiga murojaat etishlari mumkin.

Nomzodlarga quyidagi talablar qo‘yiladi:

• O‘zbekiston fuqarosi bo‘lishi;
  
• oliy yoki tugallanmagan (sirtqi ta’lim) oliy ma’lumotga ega bo‘lishi;
  
• idoraviy (IIVning) akademik litseylar, harbiy-akademik litseylar bitiruvchilari, profilaktika inspektorining jamoat tartibini saqlash bo‘yicha yordamchilariga o‘rta, o‘rta-maxsus ma’lumotga ega bo‘lishi;
  
• yoshi 30 dan oshmagan bo‘lishi (30 yoshdagi ham);
  
• bo‘yi 170 sm va undan yuqori bo‘lishi;
  
• nomzodlar Qurolli Kuchlar safida muddatli harbiy xizmatni yoki safarbarlik chaqiruvi rezervidagi harbiy xizmatni o‘tagan bo‘lishi lozim.

Belgilangan muddatdan oldin va keyin murojaat etgan nomzodlar ro‘yxatiga kiritilmasligi aytilgan. “Zamin” yangiliklarini “Odnoklassniki”da kuzatib boring