Nilufar Usmonova tan oldi: hech qachon bozorlik qilmaganman

Taniqli xonanda Nilufar Usmonova oilaviy hayotiga oid qiziq ma’lumot bilan muxlislari e’tiborini tortdi. San’atkorning aytishicha, ularning xonadonida kundalik bozor-o‘char ishlari bilan turmush o‘rtog‘i shug‘ullanadi.

Xonanda bu haqdagi savolga javob berar ekan, uy-ro‘zg‘or uchun zarur mahsulotlarni xarid qilish vazifasi farzandlarining otasi zimmasida ekanini ta’kidladi.

“Bolalarimning otasi bozorlik qiladi. Rostini aytsam, men umuman bozorlik qilmaganman”, — dedi Nilufar Usmonova.