Ijtimoiy tarmoqlarda va qator saytlarda Respublikamizda 11 yillik ta’lim tizimiga o‘tish ustida ish olib borilayotganligi haqidagi informasiyalar tarqalmoqda. Ushbu masalaga oydinlik kiritish maqsadida Xalq ta’limi vazirligi mutaxassislari bilan bog‘landik. Ularning javobi quyidagicha:
“Ta’lim to‘g‘risidagi qonunning 10-moddasida O‘zbekiston Respublikasida ta’lim maktabgacha ta’lim, umumiy o‘rta ta’lim, o‘rta maxsus, kasb-hunar ta’limi, oliy ta’lim, oliy o‘quv yurtidan keyingi ta’lim, kadrlar malakasini oshirish va ularni qayta tayyorlash, maktabdan tashqari ta’lim turlarida amalga oshirilishi qayd etilgan.
Shuningdek, umumiy ta’lim dasturlari: maktabgacha ta’lim, boshlang‘ich ta’lim (I-IV sinflar), umumiy o‘rta ta’lim (I-IX sinflar), o‘rta maxsus, kasb-hunar ta’limini qamrab oladi.
Shu bilan bir qatorda O‘zbekiston Respublikasi Kadrlar tayyorlash milliy modelining o‘ziga xos xususiyati mustaqil ravishdagi to‘qqiz yillik umumiy o‘rta hamda uch yillik o‘rta maxsus, kasb-hunar ta’limini joriy etishdan iboratdir. Bu esa, umumiy ta’lim dasturlaridan o‘rta maxsus, kasb-hunar ta’limi dasturlariga izchil o‘tilishini ta’minlaydi.”
Bundan tashqari, bizga ma’lum bo‘lgan vazirlik manbasining ta’kidlashicha, o‘quv dasturlarini takomillashtirish, ta’lim sifatini oshirish borasida keng ko‘lamli ishlar amalga oshirilmoqda, biroq 11 yillik ta’limga o‘tish kun tartibiga ham kiritilmaganini ma’lum qilmoqda. Demak, barcha xabarlar asossiz deya olamiz.
Bu masala yuzasidan rasmiy hujjatlar e’lon qilinmaguncha, tarqatilayotgan xabarlardan ogoh bo‘lishga chaqiramiz. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi