Xalq deputatlari Namangan shahar Kengashining o‘n oltinchi sessiyasida “O‘zbekiston Respublikasi Prezidentining 2017 yil 25 yanvardagi “O‘zbekiston Respublikasining Birinchi Prezidenti Islom Abdug‘anievich Karimovning xotirasini abadiylashtirish to‘g‘risida”gi PQ-2744- sonli qarori ijrosini ta’minlash masalasi muhokama etildi. Bu haqda Namnews.uz xabar berdi.
Unda O‘zbekiston Respublikasi Birinchi Prezidenti Islom Karimovning mustaqilligimizni qo‘lga kiritishdagi, mamlakatimizda huquqiy-demokratik davlat va fuqarolik jamiyati asoslarini yaratishdagi, barcha sohalarda tub islohotlarni amalga oshirishdagi, milliy qadriyatlarimizni tiklashdagi, xalqimiz turmush farovonligini yuksaltirishdagi, xususan, Namaganni eng zamonaviy shaharga aylantirish, uni obodonlashtirish, infratuzilmasini rivojlantirish, sanoat salohiyatini yuksaltirishdagi buyuk xizmatlari, ayniqsa, Yurtboshimizning “Men Namangan ahlining mehnat shijoatiga doimo chuqur hurmat bilan qarayman” degan so‘zlari barchani yuksak marralar sari ilhomlantirib kelayotganligi ta’kidlandi.
Shuning uchun Prezidentimiz Shavkat Mirziyoyevning 2017 yil 25 yanvardagi “O‘zbekiston Respublikasining Birinchi Prezidenti Islom Abdug‘anievich Karimovning xotirasini abadiylashtirish to‘g‘risida”gi qarorini namanganliklar ham katta mamnuniyat bilan kutib oldilar. Ayniqsa, ushbu qarorda Qoraqalpog‘iston Respublikasi, Toshkent shahri va viloyatlardagi markaziy ko‘chalarga Islom Karimov nomini berish haqidagi taklifni kattayu - kichik barcha yakdillik bilan qo‘llab-quvvatladi. Viloyat va shahar hokimligi rahbarligida ushbu taklif atroflicha o‘rganib chiqildi. Jamoatchilik vakillari, turli kasb egalari Namangan shahrining “Do‘stlik” shoh ko‘chasini Islom Karimov nomi bilan atash yuzasidan o‘z fikr-mulohazalarini bildirdilar.
Deputatlardan Feruza Jalolova, Ilhom Otaboyev, Qosim To‘raxonov, Avazxon Inomovlar O‘zbekiston Respublikasi Birinchi Prezidentining buyuk xizmatlarini e’tirof etgan holda Namangan shahridagi “Do‘stlik” shoh ko‘chasiga Islom Karimov nomini berish haqidagi taklifni qo‘llab-quvvatladilar.
Sessiyada Namangan shahrining “Do‘stlik” shoh ko‘chasiga Islom Karimov nomini berish to‘g‘risida qaror qabul qilindi. Ayni kunlarda ko‘chaning nomini o‘zgartirish bilan bog‘liq bo‘lgan barcha tashkiliy ishlar amalga oshirilmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
