O‘zbekiston davlat konservatoriyasiga eski binosi qaytarib beriladi

O‘zbekiston davlat konservatoriyasiga poytaxtning Mustaqillik prospektida joylashgan eski binosi qaytarib beriladi. Ayni vaqtda tegishli qaror tayyorlanmoqda. Bu haqda Shavkat Mirziyoyev 3 avgust kuni mamlakat ijodkor ziyolilari vakillari bilan uchrashuvi chog‘ida ma’lum qildi.

Uchrashuvda ta’kidlanishicha, 2002 yilda tashkil etilgan O‘zbekiston davlat konservatoriyasining bugungi faoliyati, jumladan, qabul kvotalari, o‘quv dasturlari va qo‘llanmalari, professor-o‘qituvchilarning ilmiy va ijodiy salohiyati, moddiy-texnik bazasi, yotoqxonalarning ahvoli talabga javob bermay qolgan. Bugungi kunda bu erda 700 nafar o‘rniga 1352 nafar talaba tahsil olmoqda va bu ta’lim sifatiga salbiy ta’sir ko‘rsatyapti. “Zamin”ni Telegramʻda oʻqing!