Toshkent shahar Bosh arxitektori “Malika” bozorining ko‘chishi haqidagi gaplarni tasdiqladi

“Fleshka” maishiy va elektron texnika bozorini ko‘chirish bilan bog‘liq tafsilotlar aniq bo‘ldi, Bu xaqda batafsil.uz'ga asoslanib kun.uz xabar bermoqda. Toshkent shahar Arxitektura va qurilish Bosh boshqarmasi boshlig‘i Asomiddin Tojievning ma’lum qilishicha, shahar aholisiga qulayliklar yaratish maqsadida bozor haqiqatdan ham ko‘chiriladi. Ammo, uning so‘zlariga ko‘ra, bu jiddiy yondoshuvni talab qiladi.

Bozorni ko‘chirishning aniq muddatlari hozircha noma’lum. Ayni paytda bozor joylashadigan hudud belgilanmoqda. Bu boradagi barcha ishlar shoshqaloqsiz, bosqichma-bosqich va eng muhimi, shaharlik uchun qulay tarzda olib boriladi. Shu sababli, vaziyat atrofida paydo bo‘lgan shov-shuvlar mutlaqo o‘rinsizdir.

Umuman olganda, yaqin istiqbolda poytaxtda boshqa bozorlarni ko‘chirish rejalashtirilmaga n. Faqatgina ularning ayrimlari kengaytiriladi yoki qayta rekonstruksiya qilinadi. Xususan, kengaytirish yoki qayta ta’mirlash ishlari Quyliq, TTZ, Yunusobod va Sergelidagi bozorlarda amalga oshirilishi mumkin.

“Zamin” yangiliklarini “Instagram”da kuzatib boring